ദമ്മാം: സൗദി മലയാളി ലിറ്റററി ഫെസ്റ്റിവലിന്റെ ഉദ്ഘാടന വേദിയില്‍ മോഹന്‍ വസുധയുടെ ' ധരണി' എന്ന കവിതാ സമാഹാരത്തിന്റെ കവര്‍ എഴുത്തുകാരനും ഭാഷാ പണ്ഡിതനുമായ എം എന്‍ കാരശേരി പ്രകാശനം ചെയ്തു. കഥാകൃത്ത് പി.കെ പാറക്കടവ്, സിനിമാ നിര്‍മ്മാതാവ് ജോളി ലോനപ്പന്‍, മാധ്യമ പ്രവര്‍ത്തകന്‍ സാജിദ് ആറാട്ടുപുഴ, സൗദി മലയാളി സമാജം ദേശീയ പ്രസിഡന്റ് മാലിക് മക്ബൂല്‍, ജനറല്‍ സെക്രട്ടറി ഡോ. സിന്ധു ബിനു, ഡോ. അജി വര്‍ഗീസ്, നവോദയ രക്ഷാധികാരി പ്രദീപ് കൊട്ടിയം, സൗദി മലയാളി സമാജാംഗം ജയന്‍ ജോസഫ് എന്നിവര്‍ പങ്കെടുത്തു.

അത്യന്താധുനികമായി പ്രകൃതി നേരിടുന്ന ആഗോള താപനത്തെ കുറിച്ചെഴുതിയ 'ധരണി' , 'ശാസ്താം കോട്ടക്കായല്‍', 'എല്‍സിക്കുന്ന് ' തുടങ്ങി ഇരുപത്തി ഒന്നോളം സമകാലീക താളാത്മക കവിതകളാണ് ഈ സമാഹാരത്തിലുള്ളത്. പുസ്തകം ഒക്ടോബറില്‍ സൗദി മലയാളി ലിറ്റററി ഫെസ്റ്റിവലിന്റെ വേദിയില്‍ പ്രകാശനം ചെയ്യും.