ജിദ്ദ: സൗദി ദേശീയ ദിനത്തോടനുബന്ധിച്ച് ആര്‍.എസ്.സി ജിദ്ദ സിറ്റി സോണിന്റെ ആഭിമുഖ്യത്തില്‍ ജിദ്ദ കോര്‍ണിഷില്‍ വാക്കത്തോണും ദിനാചരണവും നടന്നു. രാവിലെ കൃത്യം ഏഴ് മണിക്ക് ആരംഭിച്ച മോര്‍ണിംഗ് വാക്കില്‍ നിരവധി പ്രവര്‍ത്തകര്‍ അണിനിരന്നു.
'നമ്മുടെ തനിമയിലാണ് നമ്മുടെ അഭിമാനം' എന്ന സന്ദേശമുയര്‍ത്തിയാണ് ഈ വര്‍ഷത്തെ സൗദി ദേശീയ ദിനം ആഘോഷിക്കുന്നത്. അതിവേഗത്തിലുള്ള ആധുനിക വികസനങ്ങള്‍ക്കൊപ്പം തന്നെ തങ്ങളുടെ തനിമയും പാരമ്പര്യവും കൈവിടാതെ മുന്നേറുന്ന സൗദി അറേബ്യയുടെ പ്രത്യേകത ചടങ്ങില്‍ എടുത്തുപറഞ്ഞു.
ആഗോളതലത്തില്‍ത്തന്നെ നിര്‍ണായക സ്വാധീനമുള്ള സൗദി, വരുംകാലങ്ങളിലും സുപ്രധാനമായ പദ്ധതികളോടെ പുതിയ ഉയരങ്ങള്‍ കീഴടക്കാനുള്ള തയ്യാറെടുപ്പിലാണ്. രാജ്യത്തിന്റെ സമഗ്ര വളര്‍ച്ചയ്‌ക്കൊപ്പം ചേര്‍ന്നുനില്‍ക്കാന്‍ സാധിക്കുന്നതില്‍ പ്രവാസസമൂഹം അതീവ ആഹ്ലാദത്തിലാണെന്നും പ്രവാസികള്‍ക്ക് എന്നും മികച്ച പിന്തുണയും സുരക്ഷിത അന്തരീക്ഷവുമാണ് ഈ രാജ്യം നല്‍കിവരുന്നതെന്നും സംഗമം ഓര്‍മിപ്പിച്ചു. ഇന്ത്യക്കാരായ പ്രവാസികള്‍ ഉള്‍പ്പെടെയുള്ളവരുടെ കഴിഞ്ഞകാല മുന്നേറ്റങ്ങളിലും വിജയങ്ങളിലും സൗദി നല്‍കിയ കരുണയും പിന്തുണയും അതിമഹത്വരമാണെന്നും യോഗം വിലയിരുത്തി.
കോര്‍ണിഷില്‍ നടന്ന വാക്കത്തോണും അനുബന്ധ പരിപാടികള്‍ക്കും ഖലീല്‍ കൊളപ്പുറം, മന്‍സൂര്‍ ചുണ്ടമ്പറ്റ, റഫീക്ക് കൂട്ടായി, റിയാസ് കൊല്ലം, ഖാജ സഖാഫി, സിദ്ധീഖ് മുസ്ലിയാര്‍, ആഷിഖ് മാട്ടില്‍ എന്നിവര്‍ നേതൃത്വം നല്‍കി.
.jpg)
