നാഗോയ: ഐച്ചി-നഗോയ ഏഷ്യന്‍ ഗെയിംസില്‍ അഞ്ചാം ദിനത്തില്‍ ഇന്ത്യക്ക് സ്വര്‍ണം ഇതുവരെ അകന്നു നില്‍ക്കുന്നു. ഭാരോദ്വഹനത്തില്‍ ഒളിമ്പിക് മെഡല്‍ ജേതാവായ മീരാബായ് ചാനു വനിതകളുടെ 49 കിലോഗ്രാം വിഭാഗത്തില്‍ വെള്ളി നേടി ഏഷ്യന്‍ ഗെയിംസ് മെഡലിനായുള്ള 12 വര്‍ഷത്തെ കാത്തിരിപ്പ് അവസാനിപ്പിച്ചു. ഷൂട്ടിങ്ങില്‍ പുരുഷവനിതാ സ്‌കീറ്റ് ടീമുകള്‍ വെങ്കലം നേടിയതും സോഫ്റ്റ് ടെന്നിസില്‍ ജയ് മീന ഇന്ത്യയുടെ ആദ്യ ഏഷ്യന്‍ ഗെയിംസ് മെഡല്‍ ഉറപ്പാക്കിയതും ദിനത്തിലെ മറ്റു പ്രധാന നേട്ടങ്ങളായി.
2014ലെ ഇഞ്ചിയോണ്‍ ഏഷ്യന്‍ ഗെയിംസിന് ശേഷം ആദ്യമായാണ് മിറാബായ് ഏഷ്യന്‍ ഗെയിംസ് വിജയപീഠത്തില്‍ കയറുന്നത്. ഷൂട്ടിങ്ങില്‍ റൈസ ധില്ലന്‍, മഹേശ്വരി ചൗഹാന്‍, പരിനാസ് ധാലിവാള്‍ ഉള്‍പ്പെട്ട വനിതാ സ്‌കീറ്റ് ടീം വെങ്കലം നേടി. ഇതോടെ ഷൂട്ടിങ്ങില്‍ ഇന്ത്യയുടെ മെഡല്‍ നേട്ടം ആറ് ആയി.
പുരുഷന്മാരുടെ സ്‌കീറ്റ് ടീം വിഭാഗത്തിലും അനന്ത്ജീത് സിങ് നറൂക, മിഅ്‌രാജ് അഹമ്മദ് ഖാന്‍, ഭവ്‌തേഗ് സിങ് ഗില്‍ എന്നിവര്‍ വെങ്കലം നേടി. വ്യക്തിഗത സ്‌കീറ്റ് ഇനങ്ങളിലും ഇന്ത്യ മെഡല്‍ പ്രതീക്ഷ നിലനിര്‍ത്തിയിരുന്നു. ഒളിംപിക്‌സില്‍ ഇരട്ട മെഡല്‍ നേടിയ മനു ഭാക്കര്‍ 10 മീ. എയര്‍ റൈഫിളില്‍ ്അഞ്ചാം സ്ഥാനത്തായത് നിരാശപ്പെടുത്തി. മനു ഭാക്കര്‍ ഉള്‍പ്പെട്ട ഇന്ത്യന്‍ ടീമിന് ടീം ഇനത്തില്‍ കഷ്ടിച്ച് മെഡല്‍ നഷ്ടപ്പെട്ടു. നാലാം സ്ഥാനത്താണ് ഇന്ത്യ ഫിനിഷ് ചെയ്തത്.
ഇന്ത്യയ്ക്ക് പുതിയൊരു കായിക ഇനത്തില്‍ മെഡല്‍ ലഭിച്ചത് നേട്ടമായി. ജയ് മീന സോഫ്റ്റ് ടെന്നിസ് പുരുഷ സിംഗിള്‍സില്‍ സെമിഫൈനലിലെത്തി ഇന്ത്യയുടെ സോഫ്റ്റ് ടെന്നിസ് ചരിത്രത്തിലെ ആദ്യ ഏഷ്യന്‍ ഗെയിംസ് മെഡല്‍ ഉറപ്പാക്കി.
മനു ഭാകര്‍ വനിതകളുടെ 10 മീറ്റര്‍ എയര്‍ പിസ്റ്റള്‍ വ്യക്തിഗത ഫൈനലില്‍ അഞ്ചാം സ്ഥാനത്താണ് ഫിനിഷ് ചെയ്തത്. സുരുചി ഇന്ദര്‍ സിങ്ങിനും ഈഷ സിങ്ങിനും യോഗ്യതാ ഘട്ടം കടക്കാനായില്ല.
ബാഡ്മിന്റണിലും ഇന്ത്യക്ക് വലിയ പ്രതീക്ഷയുണ്ട്. ജപ്പാനെ 3-0ന് തോല്‍പ്പിച്ച പുരുഷ ടീം സെമിഫൈനലിലെത്തി നേരത്തെ തന്നെ മെഡല്‍ ഉറപ്പിച്ചിരുന്നു. സെമിയില്‍ ഇന്ത്യ ചൈനയെ നേരിടുകയാണ്.
പുരുഷ ബാഡ്മിന്റണ്‍ ടീമിന്റെ സെമിഫൈനല്‍, വുഷുവിലെ രോഷിബിന ദേവിയുടെ സെമിഫൈനല്‍, ഭാരോദ്വഹനത്തിലെ മറ്റ് ഇന്ത്യന്‍ താരങ്ങള്‍, ഷൂട്ടിങ്ങിലെ വ്യക്തിഗത ഇനങ്ങള്‍ എന്നിവ ഇന്ത്യയുടെ തുടര്‍ മെഡല്‍ പ്രതീക്ഷകള്‍ക്ക് പ്രധാനമാണ്. റോവിങ്ങിലും ഇന്ത്യ ഫൈനല്‍ ഉറപ്പാക്കിയിട്ടുണ്ട്.
.jpg)
Related News
