ദമ്മാം: സൗദി അറേബ്യയിലെ ദമ്മാമില് പ്രഭാത നടത്തത്തിനിടെ വാഹനം ഇടിച്ച് മലപ്പുറം സ്വദേശിയും റിയാദില് ഹൃദയാഘാതംമൂലം കൊല്ലം സ്വദേശിയും മരിച്ചു ദമ്മാമില് മലപ്പുറം കാളികാവ് അടക്കാകുണ്ടിലെ ചോലക്കല് അബ്ദുല് റഷീദ് (63) ആണ് വാഹനം ഇടിച്ച് മരിച്ചത്. ഞായറാഴ്ച രാവിലെ പ്രഭാത നടത്തത്തിനിടെ പാതയോരത്തുവെച്ച് റഷീദിനെ വാഹനം ഇടിക്കുകയായിരുന്നു. ഗുരുതര പരിക്കുകളോടെ ദമാമിലെ സ്വകാര്യ ആശുപത്രിയില് തീവ്രപരിചരണ വിഭാഗത്തില് ചികിത്സയിലായിരുന്ന അദ്ദേഹം, ബുധനാഴ്ച വൈകീട്ടാണ് മരിച്ചത്.
മാതാവ്: ആയമ്മ, ഭാര്യ: മൈമൂന, മക്കള്: നിഷാന, നഷീദ, മരുമകന്: സിറാജുല് മുനീര്. മൃതദേഹം നാട്ടില് എത്തിക്കാനുള്ള നടപടികള് പുരോഗമിക്കുകയാണെന്ന് ബന്ധുക്കള് അറിയിച്ചു.
കൊല്ലം നിലമേല് വാഴോട് നിഷാദ് മന്സിലില് അബ്ദുല് ഫൈസി (49) ആണ് റിയാദില് ഹൃദയഘാതത്തെ തുടര്ന്ന് മരിച്ചത്. റിയാദില്നിന്ന് 225 കിലോമീറ്റര് അകലെ സൗദി കിഴക്കന് പ്രവിശ്യയില്പ്പെട്ട മഹത്ത ഷോബയില് ഹോട്ടല് ജീവനക്കാരനായി ജോലി ചെയ്തുവരികയായിരുന്നു.
പിതാവ്: ഇബ്രാഹിംകുഞ്ഞ്, മാതാവ്: ലത്തീഫാ ബീബി, ഭാര്യ: സലീന ബീബി, മക്കള്: നൗഫിയ, ഫൗസിയ. സഹോദരങ്ങള്: റിയാസ്, നിസാം, നിഷാദ് (മൂന്നുപേരും ഇദ്ദേഹത്തോടൊപ്പം സൗദിയില് ജോലി ചെയ്യുകയാണ്). നിയമനടപടികള്ക്ക് നാസര് കല്ലറ നേതൃത്വം നല്കി.
ഫോട്ടോ: അബ്ദുല് റഷീദ്, അബ്ദുല് ഫൈസി.
Related News
