തിരുവനന്തപുരം: വയനാട് പ്രളയബാധിത മേഖലയിലെ നിര്ധന കുടുംബത്തിന് വീട് നിര്മ്മിച്ചു നല്കുന്നതിനായി ഒഐസിസി മലപ്പുറം ജില്ലാ കമ്മിറ്റി ജിദ്ദയുടെ നേതൃത്വത്തില് സംഘടിപ്പിച്ച ബിരിയാണി ചലഞ്ച് വഴി സമാഹരിച്ച 8,40,000 (എട്ട് ലക്ഷത്തി നാല്പതിനായിരം രൂപ) തിരുവനന്തപുരത്ത് നടന്ന ചടങ്ങില് കൈമാറി. കെപിസിസി വര്ക്കിംഗ് പ്രസിഡന്റ്, റവന്യൂ വകുപ്പ് മന്ത്രി എന്നിവരുടെ സാന്നിധ്യത്തില് മാത്യു കുഴല്നാടന് എംഎല്എയും കെപിസിസി നേതാക്കളും ചേര്ന്ന് തുക ഏറ്റുവാങ്ങി.
ഒഐസിസി മലപ്പുറം ജില്ലാ കമ്മിറ്റി പ്രസിഡന്റ് ഹുസൈന് ചുള്ളിയോട്, വൈസ് പ്രസിഡന്റ് അസീസ് ലാക്കല്, മൈനോറിറ്റി കോണ്ഗ്രസ് മലപ്പുറം ജില്ലാ കമ്മിറ്റി സെക്രട്ടറി മുജീബ് പാക്കട, ജില്ലാ കമ്മിറ്റി എക്സിക്യൂട്ടീവ് അംഗങ്ങളായ ഹംസ ലാക്കല്, ഷംസുദ്ദീന് മേലാറ്റൂര്, ഡിസിസി സെക്രട്ടറി നാസര് തെന്നല എന്നിവര് ചടങ്ങില് പങ്കെടുത്തു.
തുടര്ന്ന് മുഖ്യമന്ത്രി വിഡി സതീശന്, പ്രതിപക്ഷ നേതാവ് പിണറായി വിജയന്, നിലമ്പൂര് എംഎല്എ ആര്യാടന് ഷൗക്കത്ത് എന്നിവരുമായി ജില്ലാ കമ്മിറ്റി നേതാക്കള് കൂടിക്കാഴ്ച നടത്തി. വയനാട് ഭവനപദ്ധതിക്കായി നടത്തിയ ഈ ജീവകാരുണ്യ പ്രവര്ത്തനത്തില് പങ്കാളികളായ ഒഐസിസി പ്രവര്ത്തകരെയും നേതാക്കളെയും ജിദ്ദയിലെ പൊതുസമൂഹത്തെയും നേതാക്കള് പ്രത്യേകം അഭിനന്ദിക്കുകയും നന്ദി അറിയിക്കുകയും ചെയ്തു. പ്രവാസി സമൂഹത്തിനായി സജീവമായി സേവനപ്രവര്ത്തനങ്ങള് നടത്തി മുന്നേറുന്ന ഒഐസിസി ജിദ്ദ മലപ്പുറം ജില്ലാ കമ്മിറ്റിയുടെ പ്രവര്ത്തനങ്ങളെയും അവര് പ്രശംസിച്ചു.
കൂടിക്കാഴ്ചയില് നോര്ക്ക ക്ഷേമനിധിയില് നിന്നുള്ള പ്രവാസി പെന്ഷന് വിതരണം വൈകുന്നത്, നോര്ക്ക കെയര് ആരോഗ്യ ഇന്ഷുറന്സ് പദ്ധതി എല്ലാ ആശുപത്രികളിലും ലഭ്യമല്ലാത്തത് എന്നീ വിഷയങ്ങളും നേതാക്കള് ഉന്നയിച്ചു. ഈ വിഷയങ്ങള് ഗൗരവമായി പരിഗണിച്ച് ഉചിതമായ നടപടികള് സ്വീകരിക്കുമെന്ന് ബന്ധപ്പെട്ട അധികാരികള് ഉറപ്പ് നല്കിയതായി ഒഐസിസി മലപ്പുറം ജില്ലാ കമ്മിറ്റി ഭാരവാഹികള് അറിയിച്ചു.
Related News
