റിയാദ്: ഒന്നര പതിറ്റാണ്ട് നീണ്ട പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന സോണി പാറക്കലിന് 'കളരി' യാത്രയയപ്പ് നല്‍കി. ഒഐസിസി റിയാദ് സെന്‍ട്രല്‍ കമ്മിറ്റി നടത്തുന്ന പഠന-പരിശീലന കേന്ദ്രമായ 'കളരി', ബത്ത സബര്‍മതിയില്‍ നടന്ന പ്രതിവാര പരിശീലന ദിനത്തിലാണ് പഠിതാവും തൃശൂര്‍ ജില്ലാ ഒഐസിസി ജനറല്‍ സെക്രട്ടറിയുമായ സോണി പാറക്കലിന് യാത്രയയപ്പ് നല്‍കിയത്. വിവിധ വിഷയങ്ങളിലെ ആഴത്തിലുള്ള പഠനം, പ്രബന്ധരചന, പ്രസംഗം തുടങ്ങിയവയില്‍ പരിശീലനം നല്‍കുന്ന കേന്ദ്രമാണ് 'കളരി'.
ഒഐസിസി സെന്‍ട്രല്‍ കമ്മിറ്റി മുന്‍ പ്രസിഡന്റ് അബ്ദുല്ല വല്ലാഞ്ചിറ യോഗം ഉദ്ഘാടനം ചെയ്തു. കളരി ലീഡര്‍ അഡ്വ. എല്‍.കെ. അജിത് ഉപഹാരം സമ്മാനിച്ചു.
പഠിതാക്കളായ അഷറഫ് ഹമീദ്, ഹാറൂന്‍ റഷീദ് മുക്കം, സമീര്‍ മാളിയേക്കല്‍, റിയാസ് ആസാദ്, സൈനുദ്ദീന്‍, നിയാഫ് വലിയത്ത്, മുഹമ്മദ് കല്ലിങ്ങല്‍, റിജോ ഡൊമിനിക്, മുജീബ് ചാവക്കാട് എന്നിവര്‍ ആശംസകള്‍ നേര്‍ന്നു.
റിയാദ് ഇന്ത്യന്‍ മീഡിയ ഫോറം നടത്തിയ ജേണലിസം ട്രെയിനിങ് കോഴ്‌സില്‍ ഒന്നാം റാങ്ക് കരസ്ഥമാക്കിയ സീന അജിമോന് ചടങ്ങില്‍ കളരിയുടെ ഉപഹാരം നല്‍കി. കോഴ്‌സ് വിജയകരമായി പൂര്‍ത്തിയാക്കിയ അഡ്വ. എല്‍.കെ. അജിത്, നിയാഫ് വലിയത്ത്, മുഹമ്മദ് കല്ലിങ്ങല്‍ എന്നിവരെയും ചടങ്ങില്‍ അനുമോദിച്ചു. റഫീഖ് പട്ടാമ്പി സ്വാഗതവും നാദിര്‍ഷ റഹ്‌മാന്‍ നന്ദിയും പറഞ്ഞു.
Related News
