ന്യൂയോര്‍ക്ക്- ഫിഫ മത്സരങ്ങളുടെ ചരിത്രത്തില്‍ ആദ്യമായി, 2026 ഫിഫ ലോകകപ്പ് വിജയികളായ സ്‌പെയിന്‍ ദേശീയ ടീമിലെ കളിക്കാര്‍ക്ക് പ്രത്യേകം രൂപകല്‍പ്പന ചെയ്ത ചാമ്പ്യന്‍ഷിപ്പ് റിംഗുകള്‍ സമ്മാനിച്ചതായി ഫെഡറേഷന്റെ ഔദ്യോഗിക വെബ്‌സൈറ്റ് സ്ഥിരീകരിച്ചു.

2,026 ലിമിറ്റഡ് എഡിഷന്‍ റിംഗുകള്‍ മാത്രമാണ് നിര്‍മിച്ചിട്ടുള്ളത്. കൂടാതെ ഓരോ റിംഗിലും പ്രത്യേക നമ്പറും രേഖപ്പെടുത്തിയിട്ടുണ്ട്. 30 റിംഗുകള്‍ വിജയികളായ സ്പാനിഷ് ടീമിന് നല്‍കിയപ്പോള്‍, ബാക്കിയുള്ള 1,996 റിംഗുകള്‍ ഫിഫയുടെ ഔദ്യോഗിക ലൈസന്‍സ്ഡ് ഉല്‍പ്പന്നമായി ലോകമെമ്പാടുമുള്ള ഫുട്‌ബോള്‍ ആരാധകര്‍ക്ക് വാങ്ങാനായി ലഭ്യമാക്കും.

ആരാധകര്‍ക്ക് സ്വന്തമാക്കാന്‍ അവസരമൊരുക്കുന്ന ഈ അപൂര്‍വ റിംഗുകള്‍ 2026 ലോകകപ്പ് ചരിത്രത്തിന്റെ ഒരു ഓര്‍മ്മച്ചിഹ്നം കയ്യില്‍ കരുതാവുന്ന തരത്തിലാണ് അവതരിപ്പിച്ചിരിക്കുന്നത്. ലോകമെമ്പാടുമുള്ള കായികപ്രേമികളും ടൂര്‍ണമെന്റും തമ്മിലുള്ള ആത്മബന്ധം കൂടുതല്‍ ശക്തിപ്പെടുത്താന്‍ ഈ പുതിയ നീക്കം സഹായിക്കുമെന്ന് ഫിഫ വ്യക്തമാക്കുന്നു.

റിംഗിന്റെ പ്രത്യേക രൂപകല്‍പ്പനയില്‍ ഒരു വശത്ത് പ്രശസ്തമായ ഫിഫ ലോകകപ്പ് ട്രോഫിയുടെ ചിത്രവും, മറുവശത്ത് വിജയികളായ ടീമിന്റെ ഐഡന്റിറ്റിയും ദേശീയ നിറങ്ങളും ആലേഖനം ചെയ്തിട്ടുണ്ട്.