കണ്ണൂര്: മക്കയില് മരണപ്പെടുന്ന തീര്ത്ഥാടകരുടെ അന്ത്യവിശ്രമത്തിനായി മൂന്ന് പതിറ്റാണ്ടിലേറെ നിശ്ശബ്ദ സേവനം നടത്തിയ ജീവകാരുണ്യ പ്രവര്ത്തകന് അബ്ദുല് മുജീബ് പൂക്കോട്ടൂരിന്റെ ജീവിതം ആസ്പദമാക്കി എഴുത്തുകാരന് ഒ.എം. അബൂബക്കര് രചിച്ച നോവല് 'മുജീബ്' ഉടന് പുറത്തിറങ്ങും.
മക്കയില് മരണപ്പെട്ട ആയിരക്കണക്കിന് തീര്ത്ഥാടകരുടെ അവസാന യാത്രയില് സാക്ഷിയായ ഒരു സാധാരണ മനുഷ്യന്റെ അസാധാരണ ജീവിതവും, അദ്ദേഹം നേരിട്ട അനുഭവങ്ങളും, മനുഷ്യത്വത്തിന്റെയും കരുണയുടെയും നിമിഷങ്ങളും നോവലിന്റെ പ്രമേയമാകുന്നു.
'പറയാതെ പോയ ജീവിതങ്ങളുടെ കഥ' എന്ന ടാഗ്ലൈനോടെയാണ് നോവല് പുറത്തിറങ്ങുന്നത്. വാര്ത്തകളില് ഒതുങ്ങിപ്പോയ ഒരു ജീവിതത്തെ സാഹിത്യത്തിന്റെ ഭാഷയില് വായനക്കാരിലേക്ക് എത്തിക്കാനുള്ള ശ്രമമാണിതെന്ന് എഴുത്തുകാരന് പറഞ്ഞു. സാഹിത്യവും യാഥാര്ഥ്യവും സമന്വയിപ്പിച്ച ഈ നോവല് ഉടന് വായനക്കാരിലേക്ക് എത്തുമെന്ന് പ്രസാധകര് അറിയിച്ചു. നോവലിന്റെ കവര് ഇതിനോടകം സമൂഹമാധ്യമങ്ങളില് ശ്രദ്ധനേടിയിട്ടുണ്ട്.
Related News
