റിയാദ്: റിയാദിലെ മലയാളി സംഘടനകളുടെ പൊതുവേദിയായ എന്‍.ആര്‍.കെ. ഫോറത്തിന്റെ രക്ഷാധികാരികളായി ടി.എം. അഹമ്മദ് കോയ (ഫ്‌ലീരിയ ഗ്രൂപ്പ്), രാമചന്ദ്രന്‍ വി.കെ. (അറാബ്‌കോ), സാമൂഹ്യ പ്രവര്‍ത്തകന്‍ ശിഹാബ് കൊട്ടുകാട് എന്നിവരെ ചുമതലപ്പെടുത്തിയതായി എന്‍.ആര്‍.കെ. ഫോറം ഭാരവാഹികള്‍ അറിയിച്ചു. ഡി പാലസ് ഹോട്ടലില്‍ ചേര്‍ന്ന ഫോറത്തിന്റെ നിര്‍വാഹക സമിതി യോഗത്തിലാണ് ഈ തീരുമാനം എടുത്തത്.
റിയാദിലെ മുഴുവന്‍ മലയാളി സംഘടനകളെയും എന്‍.ആര്‍.കെ. ഫോറത്തിന്റെ കുടക്കീഴില്‍ കൊണ്ടുവരുന്നതിനായി, വിവിധ സംഘടനകളുമായി ബന്ധപ്പെടുന്നതിന് അഡ്വ. അബ്ദുല്‍ ജലീല്‍ (റിയാദ് ഇന്ത്യന്‍ ഇസ്ലാഹി സെന്റര്‍), നാസര്‍ കാരകുന്ന് (കേളി), സുധീര്‍ കുമ്മിള്‍ (നവോദയ), ജോണ്‍ ക്ലീറ്റസ് കുന്നുകുഴി (റിയ), അബ്ദുല്‍ അസീസ് വെങ്കിട്ട (സി.എച്ച്. സെന്റര്‍) എന്നിവരടങ്ങുന്ന സബ് കമ്മിറ്റിയും രൂപീകരിച്ചു.
നിര്‍വാഹക സമിതി യോഗത്തില്‍ വൈസ് ചെയര്‍മാന്‍ ഷുഹൈബ് പനങ്ങാങ്ങര അധ്യക്ഷത വഹിച്ചു. കണ്‍വീനര്‍ സുരേന്ദ്രന്‍ കൂട്ടായി റിപ്പോര്‍ട്ട് അവതരിപ്പിച്ചു. റഹ്‌മാന്‍ മുനമ്പത്ത്, അഡ്വ. അബ്ദുല്‍ ജലീല്‍, അലി ആലുവ, മുജീബ് ഉപ്പട, സുധീര്‍ കുമ്മിള്‍, കൃഷ്ണകുമാര്‍, അഷ്റഫ് മൂവാറ്റുപുഴ, ബാലുക്കുട്ടന്‍, നസീര്‍ മുള്ളൂര്‍ക്കര, അബ്ദുല്‍ അസീസ് വെങ്കിട്ട, ഷാജു പത്തനാപുരം, ഗഫൂര്‍ കൊയിലാണ്ടി, ഷഫീറലി, നിസാം, നാസര്‍ കാരകുന്ന് തുടങ്ങിയവര്‍ സംസാരിച്ചു. ജോയിന്റ് ട്രഷറര്‍ യഹ്യ കൊടുങ്ങല്ലൂര്‍ നന്ദി പറഞ്ഞു.
ഫോട്ടോ: അഹമ്മദ് കോയ, രാമചന്ദ്രന്‍, ശിഹാബ് കൊട്ടുകാട്.
Related News
