ടെഹ്‌റാന്‍: ഇറാന്‍ മുന്‍ പരമോന്നത നേതാവ് അലി ഖാംനഇയുടെ നിര്യാണത്തെത്തുടര്‍ന്ന് ടെഹ്‌റാനില്‍ നടന്ന ഔദ്യോഗിക അനുസ്മരണ ചടങ്ങില്‍ സൗദി ഡെപ്യൂട്ടി വിദേശകാര്യ മന്ത്രി എന്‍ജിനീയര്‍ വലീദ് അല്‍ ഖുറൈജി പങ്കെടുത്തു. ചടങ്ങില്‍ വെച്ച് അദ്ദേഹം ഇറാന്‍ പ്രസിഡന്റ് മസൂദ് പെസെഷ്‌കിയാനെ നേരില്‍ കണ്ട് സൗദി നേതൃത്വത്തിന്റെ അനുശോചനം അറിയിച്ചു.
സൗദി രാജാവ് സല്‍മാന്‍ ബിന്‍ അബ്ദുല്‍ അസീസ്, കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ എന്നിവരുടെ പ്രത്യേക സന്ദേശം വലീദ് അല്‍ ഖുറൈജി ഇറാന്‍ പ്രസിഡന്റിന് കൈമാറി. മുന്‍ പരമോന്നത നേതാവിന്റെ വിയോഗത്തില്‍ സൗദി അറേബ്യയ്ക്കുള്ള അതീവ ദുഃഖവും അനുശോചനവും അദ്ദേഹം ഇറാന്‍ നേതൃത്വത്തെ അറിയിച്ചു. വെള്ളിയാഴ്ച നടന്ന ചടങ്ങില്‍ വിവിധ രാജ്യങ്ങളിലെ പ്രതിനിധികളും പങ്കെടുത്തു.
