റിയാദ്: ഷിഫയിലെ വർക്ക്ഷോപ്പ് തൊഴിലാളികളുടെ ക്ഷേമത്തിനും അംഗകുടുംബങ്ങളുടെ സാമൂഹിക സുരക്ഷയ്ക്കുമായി പ്രവർത്തിക്കുന്ന ഷിഫ മലയാളി സമാജത്തിന്റെ ആഭിമുഖ്യത്തിൽ ചികിത്സാ-വിവാഹ സഹായങ്ങൾ വിതരണം ചെയ്തു.

സമാജത്തിന്റെ കുടുംബ ചികിത്സാ സഹായ പദ്ധതിയുടെ ഭാഗമായി തിരുവല്ല സ്വദേശി ബിജുവിനും കണ്ണൂർ സ്വദേശി മോഹനനും ചികിത്സാ ധനസഹായം കൈമാറി. പെൺമക്കളുടെ വിവാഹ സഹായ പദ്ധതിയിലൂടെ തിരുവനന്തപുരം സ്വദേശി അബ്ദുൽ ലത്തീഫിനും സാമ്പത്തിക സഹായം നൽകി.

സമാജം പ്രസിഡന്റ് ഫിറോസ് പോത്തൻകോടിന്റെ അധ്യക്ഷതയിൽ നടന്ന ചടങ്ങിൽ സെക്രട്ടറി ബിജു മടത്തറ, ട്രഷറർ ബാബു കണ്ണോത്ത് എന്നിവർ സംസാരിച്ചു. സാബു പത്തടി, അശോകൻ ചാത്തന്നൂർ, ഉമ്മർ അമാനത്ത്, മധു വർക്കല, അലി മക്കാ സ്റ്റോർ, പ്രകാശ് ബാബു വടകര, രതീഷ് നാരായണൻ, ബിനീഷ് തിരുവല്ല, അജിത് കുമാർ, ഷജീർ കല്ലമ്പലം, രജീഷ് ആറളം, ബിജു സി. എസ്., മോഹനൻ കണ്ണൂർ എന്നിവർ ചടങ്ങിൽ പങ്കെടുത്തു.

അംഗങ്ങളുടെ ക്ഷേമത്തിനും പ്രതിസന്ധിഘട്ടങ്ങളിൽ കുടുംബങ്ങൾക്ക് കൈത്താങ്ങാകുന്നതിനുമായി ഷിഫ മലയാളി സമാജം നടപ്പാക്കിവരുന്ന വിവിധ ക്ഷേമപദ്ധതികളുടെ ഭാഗമായാണ് ചികിത്സാ-വിവാഹ സഹായങ്ങൾ വിതരണം ചെയ്തതെന്ന് ഭാരവാഹികൾ അറിയിച്ചു.