ന്യൂഡല്‍ഹി: വാണിജ്യ ആവശ്യങ്ങള്‍ക്കുള്ള എല്‍.പി.ജി സിലിണ്ടറിന്റെ വിലയില്‍ കുറവ് വരുത്തി. ഇന്ന് (ജൂലൈ 1) മുതല്‍ 19 കിലോയുടെ വാണിജ്യ സിലിണ്ടറിന് 183.50 രൂപയാണ് കുറച്ചത്. ഇതോടെ ഹോട്ടലുകള്‍, റെസ്റ്റോറന്റുകള്‍, ധാബകള്‍ തുടങ്ങിയ ബിസിനസ് സ്ഥാപനങ്ങള്‍ക്ക് വലിയൊരു ആശ്വാസമായിരിക്കുകയാണ് ഈ തീരുമാനം.

വിലക്കുറവിനെത്തുടര്‍ന്ന് ഡല്‍ഹിയില്‍ 19 കിലോ വാണിജ്യ സിലിണ്ടറിന്റെ പുതിയ വില 2,930 രൂപയായിരിക്കും. നേരത്തെ ഇത് 3,113 രൂപയായിരുന്നു. ഇറാന്‍-പശ്ചിമേഷ്യന്‍ പ്രതിസന്ധികള്‍ മൂലം വിതരണ ശൃംഖലയില്‍ ഉണ്ടായ തടസ്സങ്ങളെത്തുടര്‍ന്ന് വാണിജ്യ എല്‍.പി.ജി സിലിണ്ടറിന്റെ വില കുത്തനെ ഉയര്‍ത്തിയിന്നു. ഇതിനൊരു പരിഹാരമെന്ന നിലയിലാണ് ഇപ്പോഴത്തെ വിലക്കുറവ്. ഈ നടപടി ഹോട്ടല്‍-റെസ്റ്റോറന്റ് മേഖലയിലെ നടത്തിപ്പ് ചിലവുകള്‍ കുറയ്ക്കാന്‍ സഹായിക്കുമെന്നാണ് വിലയിരുത്തപ്പെടുന്നത്. ഗാര്‍ഹിക സിലിണ്ടറിന്റെ വിലയുടെയും ബുക്കിംഗ് നിയന്ത്രണത്തിന്റെ കാര്യത്തിലും തീരുമാനം ഒന്നും ഉണ്ടായിട്ടില്ല.