ദമ്മാം: ദമ്മാമിലെ വടകര സ്വദേശികളുടെ കൂട്ടായ്മയായ 'വടകര NRI ഫോറ'ത്തിന് പുതിയ കമ്മിറ്റി നിലവില്‍ വന്നതായി വാര്‍ത്താസമ്മേളനത്തില്‍ ഭാരവാഹികള്‍ അറിയിച്ചു. സംഘടനയുടെ ഭാവി പ്രവര്‍ത്തന പദ്ധതികളും അവര്‍ മാധ്യമങ്ങളുമായി പങ്കുവെച്ചു. 51 അംഗ എക്‌സിക്യൂട്ടീവ് കമ്മിറ്റിയോടുകൂടിയ പുതിയ ഭരണസമിതിയാണ് നിലവില്‍ വന്നത്. ഭാരവാഹികള്‍:

ഭാരവാഹികളായി പ്രദീപ് കുമാര്‍: ചീഫ് പാട്രണ്‍, ജിഗീഷ് പുതിയപുരം: പ്രസിഡന്റ്, ഹമീദ് കുറ്റ്യാടി: ജനറല്‍ സെക്രട്ടറി, ബിനു സി.: ട്രഷറര്‍ എന്നിവരെ തെരഞ്ഞെടുത്തു.

ഒരു വര്‍ഷത്തേക്കുള്ള സമഗ്ര പ്രവര്‍ത്തന കലണ്ടറും പരിപാടി ഷെഡ്യൂളും തയ്യാറാക്കി അംഗങ്ങള്‍ക്ക് വിതരണം ചെയ്യുമെന്നും, ലേഡീസ് വിംഗിന്റെ നേതൃത്വത്തില്‍ ഓണാഘോഷം 2026 സംഘടിപ്പിക്കുമെന്നും ഭാരവാഹികള്‍ വ്യക്തമാക്കി. സംഘടനയുടെ 20-ാം വാര്‍ഷികാഘോഷം വിപുലമായ മെഗാ പരിപാടിയായി ആഘോഷിക്കും. സിറാജ് അബൂബക്കര്‍ ചെയര്‍മാനായും, റുഖിയ റഹ്‌മാന്‍ വൈസ് ചെയര്‍പേഴ്‌സണായും പ്രവര്‍ത്തിക്കും. ഇതിനുപുറമെ, ക്രിക്കറ്റ്, വോളിബോള്‍ ടൂര്‍ണമെന്റുകളും സംഘടിപ്പിക്കും. വടകര സ്വദേശികളായ എല്ലാ പ്രവാസികളെയും സംഘടനയുടെ ഭാഗമാക്കുന്നതിനായി വിപുലമായ മെമ്പര്‍ഷിപ്പ് കാമ്പയിന്‍ ആരംഭിക്കുമെന്നും ഭാരവാഹികള്‍ അറിയിച്ചു.

വാര്‍ത്താസമ്മേളനത്തില്‍ ജിഗീഷ് പുതിയപുരം (പ്രസിഡന്റ്), ഹമീദ് കുറ്റ്യാടി (ജനറല്‍ സെക്രട്ടറി), ബിനു സി. (ട്രഷറര്‍), ഗഫൂര്‍ വടകര (വൈസ് പ്രസിഡന്റ്), നാസര്‍ വടകര (മെമ്പര്‍ഷിപ്പ് കണ്‍വീനര്‍) എന്നിവര്‍ പങ്കെടുത്തു.