മക്ക: മക്കയിലെ പ്രമുഖ കുടുംബ കൂട്ടായ്മയായ 'മെഹ്ഫില്‍ മക്ക', ഈ വര്‍ഷത്തെ ഹജ്ജ് സന്നദ്ധ സേവന രംഗത്ത് നിസ്വാര്‍ത്ഥ സേവനം കാഴ്ചവെച്ചവര്‍ക്കും വിദ്യാഭ്യാസ മേഖലയില്‍ മികച്ച വിജയം കൈവരിച്ച കുട്ടികള്‍ക്കും ആദരവ് നല്‍കി. മക്കയിലെ അല്‍-സഹ്വാന്‍ ഓഡിറ്റോറിയത്തില്‍ 'സ്‌നേഹാദരവ് 2026' എന്ന പേരിലാണ് പരിപാടി സംഘടിപ്പിച്ചത്.
ജിനു ബി. ബദറുദ്ദീന്‍ അധ്യക്ഷത വഹിച്ച ചടങ്ങില്‍ ഹംസ നുജൂമി ഖിറാഅത്ത് നടത്തി. മുഹമ്മദ് ഷാ പോരുവഴി സ്വാഗതം ആശംസിച്ചു. മക്കയിലെ ഹജ്ജ് സേവന പ്രവര്‍ത്തനങ്ങളുടെ തുടക്കക്കാരനും മുതിര്‍ന്ന അംഗവുമായ ഷാജി ചുനക്കര പരിപാടി ഉദ്ഘാടനം ചെയ്തു. മെഹ്ഫില്‍ മക്കയുടെ രക്ഷാധികാരിയും ജീവകാരുണ്യ പ്രവര്‍ത്തകനുമായ ഷാനിയാസ് കുന്നിക്കോട് മുഖ്യപ്രഭാഷണം നടത്തി. ഹാരിസ് മണ്ണാര്‍ക്കാട്, സാക്കിര്‍ കൊടുവള്ളി, റഫീഖ് വരന്തരപ്പിള്ളി, അബ്ദുല്‍ സലാം അടിവാട്, റോഷ്‌ന നൗഷാദ്, അന്‍സി ഷൈജു, ബദരിയ്യ ഈസ, ഹസീന മുഹമ്മദ് ഷാ എന്നിവര്‍ ആശംസകള്‍ നേര്‍ന്നു.
വിദ്യാഭ്യാസ അവാര്‍ഡ് ജേതാക്കളായ അംറീന്‍ നൗഷാദ്, ഹനാന്‍ ഫാത്തിമ മുജീബ്, അദ്‌നാന്‍ നൗഷാദ്, ഹാനിയ പാടയില്‍, ഇശല്‍ റിസീന്‍ എന്നിവര്‍ക്ക് വലീദ് മുഹമ്മദ് യാക്കൂബ്, അബ്ദുള്ള അല്‍ മഹമാദി, അഹമ്മദ് അലി അല്‍ ശഹ്രി, യാസീന്‍ നാസര്‍ അഹമ്മദ് എന്നിവര്‍ ചേര്‍ന്ന് പുരസ്‌കാരങ്ങള്‍ വിതരണം ചെയ്തു.
ഹജ്ജ് സേവന രംഗത്ത് സജീവ സാന്നിധ്യമായിരുന്ന കുട്ടികള്‍ക്കുള്ള മെമന്റോകള്‍ ഇന്ത്യന്‍ പില്‍ഗ്രിം വെല്‍ഫെയര്‍ ഫോറം ചെയര്‍മാന്‍ ഫസല്‍ മുഹമ്മദ്, ഹജ്ജ് മിഷന്‍ കോ-ഓര്‍ഡിനേറ്റര്‍ അബ്ബാസ്, നസീര്‍ കണ്ണൂര്‍, എഞ്ചിനീയര്‍ ഹുസൈന്‍ ചൂനാട്, ഡോ. ടിറ്റോ റഹീം, ഡോ. സാഹിര്‍, അബ്ദുല്‍ കരീം വരന്തരപ്പിള്ളി, ഹുസൈന്‍ കല്ലറ, ഫിറോസ് എടക്കര, സലീം മല്ലപ്പിള്ളി, നൗഷാദ് കണ്ണൂര്‍, ഷൈജു ഖാന്‍ എന്നിവര്‍ ചേര്‍ന്ന് സമ്മാനിച്ചു.
ഷറഫുദ്ദീന്‍ പൂഴിക്കുന്നത്ത്, സര്‍ഫറാസ് തലശ്ശേരി, അബ്ദുല്‍ കരീം പൂവ്വാര്‍, സനൂഫ് ഖാന്‍ നിലമ്പൂര്‍, മുജീബ് വയനാട്, റഫീഖ് കോതമംഗലം, ഷിബിലി, ഷബാന ഷാനിയാസ്, ഷീബാ സെയ്ദ്, ജസീന അന്‍വര്‍, ആമിന, ഷെമീന മുതിര, നിസാന സലീം, ബാഷിറത്ത് ഈസ, ഷിഫാന, ഹബീബ ഹംസ, ഹബീബ ജിനു, ജംഷി മുജീബ് എന്നിവര്‍ പരിപാടിക്ക് നേതൃത്വം നല്‍കി. നിരവധി കുടുംബങ്ങളുടെ സാന്നിധ്യം പരിപാടിക്ക് മാറ്റുകൂട്ടി. നൗഷാദ് തൊടുപുഴ നന്ദി പറഞ്ഞു.
