കൊല്‍ക്കത്ത: പശ്ചിമ ബംഗാളില്‍ തൃണമൂല്‍ കോണ്‍ഗ്രസ് ഓര്‍മയിലേക്ക് മറയുമോ..നിയമസഭാ തെരഞ്ഞെടുപ്പിലെ വന്‍പരാജയത്തിന് പിന്നാലെ, വലിയ രാഷ്ട്രീയ മാറ്റങ്ങള്‍ രാജ്യസഭയിലും ലോക്‌സഭയിലും സംഭവിക്കുമെന്ന് തൃണമൂല്‍ നേതാക്കള്‍ തന്നെ സൂചന നല്‍കുന്നു.
80 എം.എല്‍.എമാരില്‍ 60 പേരും വിമതസഖ്യത്തിലെത്തുന്നത് അത്യപൂര്‍വ്വമാണെന്നും ഇത്തരത്തില്‍ ഒരു പാര്‍ട്ടി അതിജീവിക്കില്ലെന്നും തൃണമൂല്‍ കോണ്‍ഗ്രസ് രാജ്യസഭാ എംപി സുഖേന്ദു ശേഖര്‍ റേ റഞ്ഞു.
നിയമസഭയില്‍ മാത്രമല്ല, പാര്‍ലമെന്റിലും ഇതിന്റെ അലയൊലിയെത്തുമെന്നും അദ്ദേഹം പറഞ്ഞു. ഈ സംഭവം എംപിമാരേയും ബാധിച്ചേക്കും. ലോക്‌സഭയില്‍ വൈകാതെ തന്നെ പ്രധാനപ്പെട്ട എന്തെങ്കിലും സംഭവിച്ചേക്കാം. ലോക്‌സഭയ്ക്ക് പിന്നാലെ രാജ്യസഭയിലും ഈ മാറ്റം കണ്ടേക്കാമെന്നും അദ്ദേഹം കൂട്ടിച്ചേര്‍ത്തു.
പാര്‍ട്ടി വിരുദ്ധ പ്രവര്‍ത്തനങ്ങളുടെ പേരില്‍ ഋതബ്രത ബാനര്‍ജി, സന്ദീപന്‍ സാഹ എന്നീ രണ്ട് എം.എല്‍.എ.മാരെ മമത പുറത്താക്കിയിരുന്നു. തുടര്‍ന്ന് ഋതബ്രത ബാനര്‍ജി പാര്‍ട്ടിയിലെ 80 എം.എല്‍.എമാരില്‍ 60 പേരുടെയും പിന്തുണ ഉറപ്പാക്കി പ്രതിപക്ഷ നേതാവാകുകയും ചെയ്തു. ഇതോടെയാണ് തൃണമൂല്‍ കോണ്‍ഗ്രസില്‍ പ്രതിസന്ധി ഉടലെടുക്കുന്നത്.
നിലവില്‍ ലോക്‌സഭയില്‍ തൃണമൂല്‍ കോണ്‍ഗ്രസിന് 28 എം.പിമാരാണുള്ളത്. രാജ്യസഭയില്‍ 13 പേരും ഉണ്ട്. ലോക്‌സഭയിലെ 20 എം.പിമാര്‍ വിമത പക്ഷത്തേക്ക് നീങ്ങുമെന്ന റിപ്പോര്‍ട്ടുകള്‍ വന്നിരുന്നു.
.jpg)
Related News
