മെറ്റാ റേ-ബാന്‍ ഡിസ്പ്ലേ സ്മാര്‍ട്ട് ഗ്ലാസുകള്‍ക്കായി ആകര്‍ഷകമായ ഒരുപിടി പുതിയ ഫീച്ചറുകള്‍ മെറ്റാ പ്രഖ്യാപിച്ചു. വിരലുകളുടെ ചലനങ്ങളെ ടെക്സ്റ്റ് സന്ദേശങ്ങളാക്കി മാറ്റുന്ന 'ഹാന്‍ഡ് ജെസ്റ്റര്‍ ടൈപ്പിംഗ്' ഫീച്ചര്‍ ഇനി മുതല്‍ എല്ലാ ഉപഭോക്താക്കള്‍ക്കും ലഭ്യമാകും എന്നതാണ് ഇതില്‍ ഏറ്റവും ശ്രദ്ധേയം. ഉപഭോക്താവിന്റെ കൈത്തണ്ടയില്‍ ധരിക്കുന്ന ഒരു ന്യൂറല്‍ ബ്രേസ്ലെറ്റിന്റെ സഹായത്തോടെയാണ് ഈ സാങ്കേതികവിദ്യ പ്രവര്‍ത്തിക്കുന്നത്. ആന്‍ഡ്രോയിഡ്, ഐഒഎസ് പ്ലാറ്റ്ഫോമുകളിലുള്ള വിവിധ മെസ്സേജിങ് ആപ്പുകളില്‍ ഈ ഫീച്ചര്‍ വലിയ രീതിയില്‍ പ്രയോജനപ്പെടും.
പുറമേ, ഗ്ലാസിന്റെ ലെന്‍സില്‍ തെളിയുന്ന കാഴ്ചകളും ഉപഭോക്താവ് നേരിട്ട് കാണുന്ന കാഴ്ചകളും ഒന്നിച്ച് റെക്കോര്‍ഡ് ചെയ്യാന്‍ സഹായിക്കുന്ന 'ഡിസ്പ്ലേ റെക്കോര്‍ഡിംഗ്' ഫീച്ചറും പുതിയ അപ്‌ഡേറ്റില്‍ ഉള്‍പ്പെടുത്തിയിട്ടുണ്ട്. നടന്നുപോകുന്ന വഴി കൃത്യമായി കാണിച്ചുതരുന്ന 'ലൈവ് വാക്കിംഗ് ഡയറക്ഷന്‍സ്' ഫീച്ചര്‍ ഇനി മുതല്‍ അമേരിക്കയിലും ലോകത്തിലെ മറ്റ് പ്രമുഖ നഗരങ്ങളിലും ലഭ്യമാകും. വാട്‌സാപ്പ്, മെസഞ്ചര്‍, ഇന്‍സ്റ്റാഗ്രാം എന്നിവയിലെ വോയ്സ് മെസ്സേജുകള്‍ തത്സമയം തര്‍ജ്ജമ ചെയ്യാനുള്ള സംവിധാനവും മെറ്റാ ഒരുക്കിയിട്ടുണ്ട്. ഒപ്പം, ഈ സ്മാര്‍ട്ട് ഗ്ലാസുകള്‍ക്കായി പുതിയ വെബ് ആപ്ലിക്കേഷനുകള്‍ നിര്‍മ്മിക്കാന്‍ ഡെവലപ്പര്‍മാര്‍ക്ക് അവസരം നല്‍കുന്ന പ്രിവ്യൂ പ്രോഗ്രാമും കമ്പനി ആരംഭിച്ചു.
.jpg)
Related News
