കൊച്ചി: പ്രമുഖ ഗൃഹോപകരണ നിര്മ്മാതാക്കളായ എല്ജി ഇലക്ട്രോണിക്സ് ഇന്ത്യ 2026-ലെ പുതിയ ഉല്പ്പന്ന ശ്രേണി വിപണിയിലിറക്കി. 'എല്ലാ വീടുകളിലും ഉപകരണങ്ങള്, എല്ലാ വീടുകളിലും സന്തോഷം' എന്ന ദൗത്യത്തിന്റെ ഭാഗമായി എസന്ഷ്യല് സീരീസ് കൂടുതല് വിപുലീകരിച്ചതോടെ പുതിയ റഫ്രിജറേറ്ററുകള്, വാഷിംഗ് മെഷീനുകള്, മൈക്രോവേവ് ഓവനുകള്, ഡിഷ് വാഷറുകള്, വാട്ടര് പ്യൂരിഫയറുകള് തുടങ്ങിയവ വിവിധ ശേഷികളിലും ഡിസൈനുകളിലും ലഭ്യമാകും.
സ്മാര്ട്ട് ഇന്വെര്ട്ടര് കംപ്രസര്, കണ്വെര്ട്ടിബിള് കൂളിംഗ്, എഐ അധിഷ്ഠിത വാഷിംഗ് ടെക്നോളജി, എയര് ഫ്രൈ സംവിധാനമുള്ള മൈക്രോവേവ് ഓവനുകള്, ട്രൂ സ്റ്റീം ഡിഷ് വാഷര് തുടങ്ങിയ അത്യാധുനിക സവിശേഷതകളാണ് പുതിയ ശ്രേണിയുടെ പ്രധാന ആകര്ഷണം. താങ്ങാനാവുന്ന വില മുതല് പ്രീമിയം വിഭാഗം വരെ നീളുന്ന ഉല്പ്പന്നങ്ങളിലൂടെ വിശ്വസനീയമായ സാങ്കേതികവിദ്യ കൂടുതല് ഇന്ത്യന് കുടുംബങ്ങളിലേക്ക് എത്തിക്കുകയാണ് കമ്പനി ലക്ഷ്യമിടുന്നത്.
ഇന്ത്യ എല്ജിയുടെ തന്ത്രപ്രധാന വളര്ച്ചാ വിപണിയാണെന്നും ഉപഭോക്താക്കളുടെ ജീവിതശൈലിയോട് ചേര്ന്ന സാങ്കേതികവിദ്യ ലഭ്യമാക്കുകയാണ് ലക്ഷ്യമെന്നും കമ്പനി മാനേജിംഗ് ഡയറക്ടര് ഹോങ് ജു ജിയോണ് വ്യക്തമാക്കി. 'മേക്ക് ഇന്ത്യ ഗ്ലോബല്' പദ്ധതിയുടെ ഭാഗമായി എസന്ഷ്യല് സീരീസിന്റെ കയറ്റുമതി 2026 ആദ്യ പാദത്തില് കമ്പനി ആരംഭിച്ചു. ഏഷ്യ, മിഡില് ഈസ്റ്റ്, ആഫ്രിക്ക മേഖലകളിലെ 22 രാജ്യങ്ങളിലേക്ക് റഫ്രിജറേറ്ററുകള്, വാഷിംഗ് മെഷീനുകള്, എയര് കണ്ടീഷണറുകള് എന്നിവ കയറ്റുമതി ചെയ്യാനാണ് കമ്പനി ലക്ഷ്യമിടുന്നത്.
പുതിയ ഗൃഹോപകരണ ശ്രേണി രാജ്യത്തെ എല്ജി ബ്രാന്ഡ് സ്റ്റോറുകളിലും പ്രമുഖ മള്ട്ടി-ബ്രാന്ഡ് റീട്ടെയില് ശൃംഖലകളിലും ഇ-കൊമേഴ്സ് പ്ലാറ്റ്ഫോമുകളിലും ലഭ്യമാകുമെന്ന് കമ്പനി അറിയിച്ചു.
Related News
