ദമ്മാം: പത്താം ക്ലാസ് പരീക്ഷയില്‍ ഉന്നതവിജയം കൈവരിച്ച വിദ്യാര്‍ഥികളെ പ്രവാസി വെല്‍ഫെയര്‍ ദമ്മാം കണ്ണൂര്‍-കാസര്‍കോട് ജില്ലാ കമ്മിറ്റി ആദരിച്ചു. വിദ്യാര്‍ഥികളെ അഭിനന്ദിക്കുന്നതിനും അവരുടെ ഉപരിപഠനത്തിന് ആവേശം പകരുന്നതിനുമായി സംഘടിപ്പിച്ച ചടങ്ങില്‍ സാറ ഷക്കീര്‍, സല്‍വ ബഷീര്‍, ആമിന നുസ്ഹ റിയാസ്, ആമിന നുമ റിയാസ് എന്നീ വിദ്യാര്‍ഥികള്‍ക്ക് സ്‌നേഹോപഹാരങ്ങള്‍ കൈമാറി.
കണ്ണൂര്‍-കാസര്‍കോട് ജില്ലാ പ്രസിഡന്റ് ബിനാന്‍ ബഷീര്‍, ജില്ലാ എക്‌സിക്യൂട്ടീവ് മെമ്പര്‍ ജാബിര്‍, പ്രവാസി വെല്‍ഫെയര്‍ ഈസ്റ്റേണ്‍ പ്രൊവിന്‍സ് സെക്രട്ടറി ഷക്കീര്‍ ബിലാവനകത്ത്, ദമ്മാം റീജിയണല്‍ കമ്മിറ്റി പ്രസിഡന്റ് ജംഷാദ് അലി എന്നിവര്‍ ചേര്‍ന്നാണ് ഉപഹാരങ്ങള്‍ വിതരണം ചെയ്തത്.
Related News
