ദമ്മാം: യൂത്ത് ഇന്ത്യ ഈസ്റ്റേണ്‍ പ്രൊവിന്‍സും യൂത്ത് ക്ലബ്ബും സംയുക്തമായി ദാര്‍ അസ്സിഹ മെഡിക്കല്‍ സെന്ററുമായി സഹകരിച്ച് ആരോഗ്യ ബോധവല്‍ക്കരണ ക്ലാസും പ്രഥമശുശ്രൂഷാ പരിശീലനവും സംഘടിപ്പിച്ചു. ദാര്‍ അസ്സിഹ സെന്ററില്‍ നടന്ന ക്യാമ്പില്‍ ആരോഗ്യവിദഗ്ദ്ധന്‍ ഷിറോജ് അടിയന്തര ഘട്ടങ്ങളില്‍ അറിഞ്ഞിരിക്കേണ്ട കാര്യങ്ങളെക്കുറിച്ച് പരിശീലനം നല്‍കി.
ആരോഗ്യരംഗത്ത് സമൂഹത്തിനുണ്ടാവേണ്ട അവബോധത്തെക്കുറിച്ച് സംസാരിച്ച അദ്ദേഹം, അടിയന്തര സാഹചര്യങ്ങളില്‍ നല്‍കേണ്ട പ്രാഥമിക ചികിത്സാ രീതികള്‍ വിശദീകരിച്ചു. വിദഗ്ദ്ധരുടെ നേതൃത്വത്തില്‍ നടന്ന പരിശീലനത്തില്‍ കുടുംബങ്ങളുള്‍പ്പെടെ നിരവധി പേര്‍ പങ്കെടുത്തു. അപകട സാഹചര്യങ്ങളില്‍ സ്വീകരിക്കേണ്ട മുന്‍കരുതലുകള്‍, സി.പി.ആര്‍ , രക്തസ്രാവം നിയന്ത്രിക്കല്‍, ഹൃദയാഘാത ലക്ഷണങ്ങള്‍ തിരിച്ചറിയല്‍ തുടങ്ങിയ വിഷയങ്ങളില്‍ പ്രായോഗിക പരിശീലനവും നല്‍കി.
യൂത്ത് ഇന്ത്യ ഈസ്റ്റേണ്‍ പ്രൊവിന്‍സ് പ്രസിഡന്റ് അയ്മന്‍ സഈദ് ചടങ്ങില്‍ ഉപഹാരസമര്‍പ്പണം നടത്തി. വൈസ് പ്രസിഡന്റ് ത്വയ്യിബ് ആമുഖഭാഷണം നിര്‍വഹിച്ചു. ജനസേവന കണ്‍വീനര്‍ ശാക്കിര്‍ ഇല്ല്യാസ് സ്വാഗതവും ബിനാന്‍ ബഷീര്‍ നന്ദിയും പറഞ്ഞു. ജംഷീര്‍, ഗഫൂര്‍ താണിക്കല്‍, നസീഫ്, നാജിഹ്, അബ്ദുള്ള, സൈഫുദ്ധീന്‍, ഫാഹിം, അനസ്, നുഅമാന്‍ എന്നിവര്‍ പരിപാടിക്ക് നേതൃത്വം നല്‍കി.
.jpg)
Related News
