ദമ്മാം: അക്ഷരം ദമ്മാം, പി.ബി.ഡി.എ , ദമ്മാം മലയാളി സമാജം എന്നിവയുടെ സംയുക്താഭിമുഖ്യത്തില് ദമ്മാം സെന്ട്രല് ആശുപത്രിയില് സംഘടിപ്പിച്ച രക്തദാന ക്യാമ്പിന് മികച്ച പ്രതികരണം. വെള്ളിയാഴ്ച നടന്ന ക്യാമ്പില് വനിതകള് ഉള്പ്പെടെ നിരവധി പേര് രക്തം ദാനം ചെയ്തു.
ആവശ്യസമയങ്ങളില് രക്തലഭ്യത ഉറപ്പാക്കുന്നതില് ഇത്തരം ക്യാമ്പുകള് നിര്ണായകമാണെന്ന് സംഘാടകര് അറിയിച്ചു. ഓരോ തുള്ളി രക്തവും ഒരു ജീവന് രക്ഷിക്കാനുതകുന്ന അമൂല്യ സംഭാവനയാണെന്നും കൂടുതല് ആളുകള് രക്തദാനത്തിന് മുന്നോട്ടുവരണമെന്നും അവര് അഭ്യര്ത്ഥിച്ചു.
ക്യാമ്പിന്റെ വിജയത്തിനായി സഹകരിച്ച എല്ലാവര്ക്കും സംഘാടകര് നന്ദി രേഖപ്പെടുത്തി. ഷിനാജ് കരുനാഗപ്പള്ളി, വിനീത് കുട്ടനാട്, ഷിജില ഹമീദ്, ഹമീദ് മരക്കാശ്ശേരി, സജി മോഴച്ചേരി മുട്ടാര്, വിനീഷ് അമ്പലപ്പുഴ, ഹരി പാലക്കാട്, ശ്യാം പ്രകാശ്, ആതിര കൃഷ്ണന്, ശ്രീജിത്ത്, സനല്, ഗോകുല് അമ്പലപ്പുഴ, പ്രജിത്ത് (ഡി.എം.സി), ഷിഹാബ് കപ്പൂര്, സമീര്ഷാന് കൊല്ലം, സല്മാന് പാണക്കാട്, അഷ്റഫ്, അശ്വതി വിനീഷ്, വീണ വിനീത് തുടങ്ങിയവര് ചടങ്ങില് സംബന്ധിച്ചു.
രക്തദാനം ആരോഗ്യപരമായി സുരക്ഷിതവും സമൂഹത്തോടുള്ള വലിയ ഉത്തരവാദിത്തവുമാണ്. സ്ഥിരമായി രക്തം ദാനം ചെയ്യുന്നത് അനേകം ജീവനുകള് രക്ഷിക്കാന് സഹായകമാകുമെന്നും സംഘാടകര് കൂട്ടിച്ചേര്ത്തു.
Related News
