മദീന: ഹജ്ജ് 2026-ന് തുടക്കമിട്ട് ഇന്ത്യന് തീര്ത്ഥാടകരുടെ ആദ്യ സംഘം മദീനയിലെത്തി. മദീന വിമാനത്താവളത്തില് ഊഷ്മളമായ സ്വീകരണമാണ് തീര്ത്ഥാടകര്ക്ക് ലഭിച്ചത്.
സൗദി അറേബ്യയിലെ ഇന്ത്യന് അംബാസഡര് ഡോ. സുഹേല് അജാസ് ഖാന്, ജിദ്ദ കോണ്സല് ജനറല് ഫഹദ് സൂരി എന്നിവര് ചേര്ന്ന് തീര്ത്ഥാടകരെ സ്വീകരിച്ചു. സൗദി ഡെപ്യൂട്ടി മന്ത്രിമാരായ പ്രൊഫ. അബ്ദുല് അസീസ് എ. വസ്സാന്, എന്ജിനീയര് അയ്യാദ് അബ്ദുറഹ്മാന് റഹ്ബിനി എന്നിവരും മറ്റ് മുതിര്ന്ന സൗദി ഉദ്യോഗസ്ഥരും സ്വീകരണ ചടങ്ങില് പങ്കെടുത്തു.
മദീന വിമാനത്താവളത്തില് തീര്ത്ഥാടകര്ക്കായി ഒരുക്കിയിട്ടുള്ള സൗകര്യങ്ങള് അംബാസഡര് നേരിട്ട് വിലയിരുത്തി. തീര്ത്ഥാടകരെ സഹായിക്കാനായി രംഗത്തുള്ള ഇന്ത്യന് കമ്മ്യൂണിറ്റി വളന്റിയര്മാരുമായും അദ്ദേഹം കൂടിക്കാഴ്ച നടത്തി.
എല്ലാ ഇന്ത്യന് ഹജ്ജ് തീര്ത്ഥാടകര്ക്കും സുരക്ഷിതവും ആത്മീയമായി ധന്യവുമായ ഹജ്ജ് അനുഭവം ഉണ്ടാകട്ടെയെന്ന് ഇന്ത്യന് എംബസി ആശംസിച്ചു.
