ജിദ്ദ: സംസ്ഥാന വനിതാ മുസ്ലിം ലീഗ് സെക്രട്ടറിയും മലപ്പുറം ജില്ലാ പഞ്ചായത്ത് മുന് സ്റ്റാന്റിംഗ് കമ്മിറ്റി ചെയര്പേഴ്സണുമായ സറീന ഹസീബിന് ജിദ്ദ കെ.എം.സി.സി സെന്ട്രല് കമ്മിറ്റി വനിതാ വിംഗിന്റെ നേതൃത്വത്തില് സ്വീകരണം നല്കി. പ്രവാസി വനിതകളുടെ സാമൂഹികവും സാമ്പത്തികവും വിദ്യാഭ്യാസപരവുമായ പുരോഗതിയെ മുന്നിര്ത്തി ചര്ച്ചകള് നടന്നു. പ്രവാസി കുടുംബങ്ങള്ക്കിടയില് വനിതാ വിംഗിന്റെ പ്രവര്ത്തനങ്ങള് വിപുലമാക്കുന്നത് സംബന്ധിച്ച് ചര്ച്ച നടത്തി.
മുസ്ലിം ലീഗ് പ്രസ്ഥാനം വനിതകള്ക്ക് വലിയ പ്രാധാനം നല്കുന്നുണ്ടെന്നും അവരുടെ സര്വോന്മുഖമായ പുരോഗതിക്ക് വലിയ സംഭാവന നല്കുന്നുണ്ട്. ഇന്ത്യയിലെ മത-ന്യൂനപക്ഷ പിന്നോക്ക വിഭാഗങ്ങളെ മുഖ്യധാരയിലേക്ക് കൊണ്ടുവരുന്നതിനും അവരുടെ അവകാശങ്ങള് സംരക്ഷിക്കുന്നതിനും മുസ്ലിം ലീഗ് ഗംഭീര പോരാട്ടമാണ് നടത്തുന്നതെന്നും അവര് പറഞ്ഞു. വനിതാ വിംഗിന്റെ നിലവിലെ പ്രവര്ത്തനങ്ങളെ അഭിനന്ദിച്ച അവര്, വരും കാലങ്ങളില് കൂടുതല് സജീവമായി പ്രവാസി കുടുംബങ്ങള്ക്കിടയില് പ്രവര്ത്തിക്കാന് വനിതാ വിങ്ങിന് സാധിക്കട്ടെയെന്നും അവര് ആശംസിച്ചു.
ജിദ്ദ കെഎംസിസി സെന്ട്രല് കമ്മിറ്റി വനിതാ വിംഗ് പ്രസിഡന്റ് മുംതാസ് പാലോളി അധ്യക്ഷത വഹിച്ചു. ജനറല് സെക്രട്ടറി ഷമീല മൂസ സ്വാഗതം ആശംസിച്ചു. വനിതാ വിംഗ് ഭാരവാഹികളായ സലീന ഇബ്രാഹിം, ഹസീന അഷ്റഫ്, ജംഷിന മാമുനിസാര്, നസീഹ മര്ജാന്, നസീമ ഹൈദര്, ബസ്മ സാബില്, ഇര്ഷാദ ഇല്യാസ്, സുരയ്യ കാരി, ഹാജറ ബഷീര് എന്നിവര് സംബന്ധിച്ചു. ട്രഷറര് കുബ്ര ലത്തീഫ് നന്ദി പറഞ്ഞു.
Related News
