ന്യൂദല്‍ഹി- സിബിഎസ്ഇ പത്താം ക്ലാസ് പരീക്ഷാ ഫലം പ്രഖ്യാപിച്ചു. ഏപ്രില്‍ 15-ന് പ്രഖ്യാപിച്ച ഫലങ്ങള്‍ നിലവില്‍ ഡിജിലോക്കര്‍, ഉമാംഗ് (UMANG) ആപ്പ് എന്നിവയിലൂടെ വിദ്യാര്‍ത്ഥികള്‍ക്ക് ലഭ്യമാണ്. ഔദ്യോഗിക വെബ്സൈറ്റുകളായ results.cbse.nic.in, cbseresults.nic.in, cbse.gov.in എന്നിവ വഴി ഫലം പരിശോധിക്കാനുള്ള സൗകര്യം ഉടന്‍ സജ്ജമാകുമെന്ന് അധികൃതര്‍ അറിയിച്ചു.
ഏകദേശം 25 ലക്ഷത്തോളം വിദ്യാര്‍ത്ഥികളാണ് ഈ വര്‍ഷം സിബിഎസ്ഇ പത്താം ക്ലാസ് പരീക്ഷ എഴുതിയത്. ഫെബ്രുവരി 17 മുതല്‍ മാര്‍ച്ച് 11 വരെയായിരുന്നു പരീക്ഷകള്‍ നടന്നത്. കഴിഞ്ഞ വര്‍ഷങ്ങളില്‍ 93 ശതമാനത്തിന് മുകളിലായിരുന്നു വിജയശതമാനം. ഡിജിറ്റല്‍ മാര്‍ക്ക് ഷീറ്റുകള്‍ ഡിജിലോക്കര്‍ വഴി ഡൗണ്‍ലോഡ് ചെയ്യാന്‍ സാധിക്കും.

ഫലം പരിശോധിക്കേണ്ട വിധം: cbse.gov.in അല്ലെങ്കില്‍ results.cbse.nic.in സന്ദര്‍ശിക്കുക.'CBSE Class 10 Result 2026' എന്ന ലിങ്കില്‍ ക്ലിക്ക് ചെയ്യുക.റോള്‍ നമ്പര്‍, സ്‌കൂള്‍ നമ്പര്‍, അഡ്മിറ്റ് കാര്‍ഡ് ഐഡി, ജനനത്തീയതി എന്നിവ നല്‍കുക.ഫലം സ്‌ക്രീനില്‍ തെളിയും, ഇത് ഡൗണ്‍ലോഡ് ചെയ്ത് സൂക്ഷിക്കാവുന്നതാണ്.വെബ്സൈറ്റുകളില്‍ തിരക്ക് അനുഭവപ്പെട്ടാല്‍ എസ്എംഎസ് , ഐവിആര്‍എസ് സംവിധാനങ്ങള്‍ വഴിയും ഫലം അറിയാന്‍ സാധിക്കും. കൂടാതെ 'അപ്പാര്‍ ഐഡി' (APAAR ID) ഉള്ള വിദ്യാര്‍ത്ഥികള്‍ക്ക് അവരുടെ അക്കാദമിക് രേഖകള്‍ ഡിജിലോക്കറില്‍ നേരിട്ട് ലഭ്യമാകും. പരീക്ഷാ ഫലവുമായി ബന്ധപ്പെട്ട കൂടുതല്‍ അപ്ഡേറ്റുകള്‍ക്കായി ഔദ്യോഗിക വെബ്സൈറ്റുകള്‍ ശ്രദ്ധിക്കുക.