ഹഫര് അല് ബാത്തിന്: കേരളത്തിലെ നിയമസഭാ തിരഞ്ഞെടുപ്പിനോടനുബന്ധിച്ച് യുഡിഎഫ് സ്ഥാനാര്ത്ഥികളുടെ വിജയത്തിനായി ഹഫര് അല് ബാത്തിന് കെ.എം.സി.സിയും ഒ.ഐ.സി.സിയും സംയുക്തമായി തിരഞ്ഞെടുപ്പ് കണ്വെന്ഷന് സംഘടിപ്പിച്ചു. പ്രവാസി പ്രവര്ത്തകരുടെ സജീവ പങ്കാളിത്തത്തോടെ നടന്ന പരിപാടി തിരഞ്ഞെടുപ്പ് ആവേശത്തിന് പുതിയ ഉണര്വ് നല്കി.
ഒ.ഐ.സി.സി പ്രസിഡന്റ് വിബിന് മറ്റത്തിന്റെ അധ്യക്ഷതയില് ചേര്ന്ന കണ്വെന്ഷന് ഹഫര് അല് ബാത്തിന് കെ.എം.സി.സി. രക്ഷാധികാരി അബ്ദുള്ള പരിയാരം ഉദ്ഘാടനം ചെയ്തു. കെ.എം.സി.സി. സെക്രട്ടറി ഫൈസല് മാഷ് സ്വാഗതം ആശംസിച്ചു.
ഒ.ഐ.സി.സി. ഈസ്റ്റേണ് പ്രൊവിന്സ് നേതാക്കളായ സലീം കീരിക്കാട്, ഇക്ബാല് ആലപ്പുഴ, കെ.എം.സി.സി. ചെയര്മാന് സലാം മാഷ് എന്നിവര് മുഖ്യപ്രഭാഷണം നടത്തി. കേരളത്തിലെ നിലവിലെ രാഷ്ട്രീയ സാഹചര്യങ്ങളും യുഡിഎഫിന്റെ വിജയസാധ്യതകളും യോഗം വിശദമായി വിലയിരുത്തി. തിരഞ്ഞെടുപ്പ് പ്രവര്ത്തനങ്ങളില് പ്രവാസികള് കൂടുതല് സജീവമായി ഇടപെടേണ്ടതിന്റെ ആവശ്യകത നേതാക്കള് ചൂണ്ടിക്കാട്ടി.
പ്രവാസി സമൂഹത്തിന്റെ ഐക്യവും കൂട്ടായ പ്രവര്ത്തനവും വോട്ടെടുപ്പില് നിര്ണായകമാകുമെന്ന് യോഗം അഭിപ്രായപ്പെട്ടു. നാട്ടിലെ വോട്ടര്മാരുമായുള്ള ബന്ധം ശക്തിപ്പെടുത്താനും സോഷ്യല് മീഡിയ വഴിയുള്ള പ്രചാരണം വ്യാപിപ്പിക്കാനും പ്രവര്ത്തകര്ക്ക് നിര്ദേശം നല്കി.
സൈഫുദ്ദീന് പള്ളിമുക്ക്, മൊയ്തു വി., റാഫി പരുതൂര്, സിദ്ധിഖ് ഖൈസൂമ, ഷബ്നാസ് കണ്ണൂര്, ജിതേഷ് തെരുവത്ത്, സൈഫുദ്ദീന്, ജോമോന് ജോസഫ്, സാദിഖ്, സമദ് കരുനാഗപ്പള്ളി, അയൂബ് കൊടുവള്ളി, റിജില്, കലാം, ഷാനവാസ് മതിലകം തുടങ്ങിയവര് കണ്വെന്ഷന് നേതൃത്വം നല്കി. ഹംസ പേരാമ്പ്ര നന്ദി പറഞ്ഞു.
Related News
