ഏറനാട്: യുഡിഎഫ് സ്ഥാനാര്‍ത്ഥി പി.കെ. ബഷീറിന്റെ തിരഞ്ഞെടുപ്പ് പ്രചാരണത്തിന് ആവേശം പകര്‍ന്ന് ഏറനാട് മണ്ഡലം ഗ്ലോബല്‍ കെഎംസിസിയും വിവിധ ജിസിസി കെഎംസിസി കമ്മിറ്റികളും സംയുക്തമായി ഒരുക്കിയ 'അലങ്കരിച്ച പാട്ടുവണ്ടി' പര്യടനം ആരംഭിച്ചു. പത്തിപ്പിരിയത്ത് വെച്ച് നടന്ന ചടങ്ങില്‍ പി.കെ. ബഷീര്‍ എംഎല്‍എ പാട്ടുവണ്ടിയുടെ ഉദ്ഘാടനം നിര്‍വ്വഹിച്ചു.
ഇന്ന് മുതല്‍ മണ്ഡലത്തിലെ വിവിധ പഞ്ചായത്തുകളിലൂടെ പാട്ടുവണ്ടി സഞ്ചരിക്കും. ഇത്തവണ റോഡ് ഷോകള്‍ കുറച്ച് കുടുംബസംഗമങ്ങള്‍ക്ക് മുന്‍ഗണന നല്‍കിക്കൊണ്ടുള്ള പ്രചാരണ പരിപാടികളാണ് മണ്ഡലത്തില്‍ നടപ്പിലാക്കുന്നതെന്ന് പി.കെ. ബഷീര്‍ പറഞ്ഞു. ഓരോ കുടുംബത്തില്‍ നിന്നും വലിയ സ്വീകാര്യതയാണ് ലഭിക്കുന്നത്. കോവിഡ് കാലത്ത് വിദേശത്തുനിന്ന് തിരിച്ചെത്തിയ പ്രവാസികള്‍ക്കായി ബാങ്കുകള്‍ വഴി പ്രത്യേക പലിശരഹിത വായ്പകള്‍ ഏര്‍പ്പെടുത്തിയത് ഇന്നും പ്രവാസികള്‍ നന്ദിയോടെ സ്മരിക്കുന്നത് വലിയ ചാരിതാര്‍ത്ഥ്യം നല്‍കുന്നതാണെന്നും അദ്ദേഹം കൂട്ടിച്ചേര്‍ത്തു.
പാട്ടുവണ്ടിയുടെ ഷെഡ്യൂള്‍ അറിയാന്‍ യാത്ര കോ-ഓര്‍ഡിനേറ്റര്‍ റഹ്‌മത്തുള്ള (കുട്ടന്‍) - 790 714 8443 എന്ന നമ്പറില്‍ ബന്ധപ്പെടണമെന്ന് ഏറനാട് ഗ്ലോബല്‍ കെഎംസിസി ഭാരവാഹികള്‍ അറിയിച്ചു.
Related News
