മക്ക: കെ.എം.സി.സി.യും ഒ.ഐ.സി.സി.യും സംയുക്തമായി മക്കയില്‍ തിരഞ്ഞെടുപ്പ് കണ്‍വെന്‍ഷന്‍ സംഘടിപ്പിച്ചു. കുതായി ഏഷ്യന്‍ ക്ലിനിക്ക് ഓഡിറ്റോറിയത്തില്‍ നടന്ന പരിപാടി കെ.എം.സി.സി. സൗദി നാഷണല്‍ കമ്മിറ്റി പ്രസിഡന്റ് കുഞ്ഞിമോന്‍ കാക്കിയ ഉദ്ഘാടനം ചെയ്തു. ഒ.ഐ.സി.സി. മക്ക പ്രസിഡന്റ് നൗഷാദ് പെരുന്തല്ലൂര്‍ അധ്യക്ഷത വഹിച്ചു. മക്കയിലെ യു.ഡി.എഫ്. നേതാക്കളും നിരവധി പ്രവര്‍ത്തകരും ചടങ്ങില്‍ പങ്കെടുത്തു.
കേരളത്തില്‍ നൂറിലധികം സീറ്റുകള്‍ നേടി യു.ഡി.എഫ്. അധികാരത്തില്‍ വരുമെന്ന് ഉദ്ഘാടന പ്രസംഗത്തില്‍ കുഞ്ഞിമോന്‍ കാക്കിയ പറഞ്ഞു. കഴിഞ്ഞ 10 വര്‍ഷക്കാലം കേരളത്തെ അഴിമതിയുടെ കൂത്തരങ്ങാക്കി പിണറായി വിജയന്‍ മാറ്റി. വിലക്കയറ്റം കാരണം സാധാരണ ജനങ്ങള്‍ക്ക് ജീവിക്കാന്‍ കഴിയാത്ത സാഹചര്യമാണ് നിലവിലുള്ളത്. സ്വജനപക്ഷപാതവും ഏകാധിപത്യ ഭരണവും കൊണ്ട് കേരളത്തിലെ ജനങ്ങള്‍ പൊറുതിമുട്ടിയിരിക്കുകയാണെന്നും ഭരണവിരുദ്ധ തരംഗം സംസ്ഥാനത്ത് അലയടിക്കുമെന്നും അദ്ദേഹം കൂട്ടിച്ചേര്‍ത്തു. യു.ഡി.എഫ്. പ്രഖ്യാപിച്ച ജനക്ഷേമ പദ്ധതികള്‍ കേരളത്തില്‍ സുവര്‍ണ്ണകാലഘട്ടം കൊണ്ടുവരുമെന്നും അദ്ദേഹം പ്രത്യാശ പ്രകടിപ്പിച്ചു.
മുസ്തഫ മലയില്‍ മുഖ്യപ്രഭാഷണം നടത്തി. മുസ്തഫ മഞ്ഞക്കുളം, നാസര്‍ കിന്‍സാര, മുബഷിര്‍ അരീക്കോട്, ഹാരിസ് പെരുവള്ളൂര്‍, മനാഫ് ചടയമംഗലം, മുജീബ് കീഴിശ്ശേരി തുടങ്ങിയവര്‍ ആശംസകള്‍ നേര്‍ന്നു. സലിം കണ്ണനാകുഴി സ്വാഗതവും റൈഫ് കണ്ണൂര്‍ നന്ദിയും പറഞ്ഞു.
.jpg)
Related News
