ജിദ്ദ: ജിദ്ദ നവോദയയുടെ ആഭിമുഖ്യത്തില്‍ ഇ.എം.എസ്. നമ്പൂതിരിപ്പാടിനെയും എ.കെ.ജി.യെയും (എ.കെ. ഗോപാലന്‍) അനുസ്മരിച്ച് യോഗം സംഘടിപ്പിച്ചു. രക്ഷാധികാരി സമിതി അംഗങ്ങള്‍, കേന്ദ്ര കമ്മിറ്റി അംഗങ്ങള്‍, ഏരിയ-യൂണിറ്റ് ഭാരവാഹികള്‍ തുടങ്ങി വിവിധ മേഖലകളില്‍ നിന്നുള്ള പ്രവര്‍ത്തകര്‍ ചടങ്ങില്‍ പങ്കെടുത്തു.

നവോദയ പ്രസിഡന്റ് കിസ്മത്ത് മമ്പാട് അധ്യക്ഷത വഹിച്ച ചടങ്ങില്‍ ജനറല്‍ സെക്രട്ടറി ശ്രീകുമാര്‍ മാവേലിക്കര സ്വാഗതം ആശംസിച്ചു. സഫ ഏരിയ രക്ഷാധികാരി ജുനൈസ് താഴേക്കോട് അനുസ്മരണ പ്രഭാഷണം നടത്തി.

ഇ.എം.എസ്., എ.കെ.ജി. എന്നിവര്‍ കേരളത്തിന്റെ രാഷ്ട്രീയ-സാമൂഹിക രംഗങ്ങളില്‍ നല്‍കിയ അമൂല്യമായ സംഭാവനകളെക്കുറിച്ച് ജുനൈസ് സംസാരിച്ചു. സാമൂഹ്യനീതി, സമത്വം, ജനക്ഷേമം എന്നിവ മുന്‍നിര്‍ത്തിയുള്ള അവരുടെ ജീവിതവും പ്രവര്‍ത്തനങ്ങളും ഇന്നും പുതിയ തലമുറയ്ക്ക് വലിയ പ്രചോദനമാണെന്ന് അദ്ദേഹം അഭിപ്രായപ്പെട്ടു.

ഫോട്ടോ: നവോദയ സഫ ഏരിയ രക്ഷാധികാരി ജുനൈസ് താഴേക്കോട് അനുസ്മരണ പ്രഭാഷണം നടത്തുന്നു.