തായിഫ്: പത്ത് വര്‍ഷത്തെ പ്രവാസ ജീവിതം മതിയാക്കി നാട്ടിലേക്ക് മടങ്ങുന്ന അടൂര്‍ സ്വദേശി അഭിലാഷ് വര്‍ഗീസിന് തായിഫ് തുറബ കെ.എം.സി.സി. യാത്രയയപ്പ് നല്‍കി. തുറബയിലെ സ്വകാര്യ ആശുപത്രിയില്‍ കഴിഞ്ഞ പത്ത് വര്‍ഷമായി നഴ്‌സായി ജോലി ചെയ്തുവരികയായിരുന്നു അദ്ദേഹം. തുറബയുടെ കലാ-സാംസ്‌കാരിക മേഖലകളില്‍ സജീവസാന്നിധ്യമായ അഭിലാഷ് മലയാളി സമാജം ട്രഷറര്‍ കൂടിയാണ്.

ആതുരസേവന രംഗത്തെ അദ്ദേഹത്തിന്റെ സാന്നിധ്യം പ്രവാസികള്‍ക്ക് വലിയ ആശ്വാസമായിരുന്നുവെന്നും, അദ്ദേഹത്തിന്റെ സേവനങ്ങളെ മലയാളി സമൂഹം എക്കാലവും നന്ദിയോടെ സ്മരിക്കുമെന്നും ചടങ്ങില്‍ സംസാരിച്ചവര്‍ പറഞ്ഞു. അബ്ദുസ്സലാം അരീക്കോട് ചടങ്ങില്‍ അധ്യക്ഷത വഹിച്ചു. അബ്ബാസ് ബഡേരി ഉദ്ഘാടനം നിര്‍വ്വഹിച്ചു.

അലിഗര്‍ കോഴിക്കോട്, റാഷിദ് (കുട്ടാപ്പു) പട്ടണംകുണ്ട്, അബ്ദുല്‍ ഹമീദ് താഴേക്കോട്, അബ്ദുല്‍ റസാഖ് വിഴിഞ്ഞം, അജ്മല്‍ കരുവാരക്കുണ്ട്, റംഷീദ് താനൂര്‍, ആരിഫ് താനൂര്‍, സിദ്ദിഖ് താനൂര്‍, ഷൗക്കത്ത് കരുവാരക്കുണ്ട്, ഷമീര്‍ ചേളാരി, നിസാം ആലപ്പുഴ എന്നിവര്‍ ആശംസകള്‍ നേര്‍ന്നു. അഭിലാഷ് വര്‍ഗീസ് മറുപടി പ്രസംഗം നടത്തി. തുറബ കെ.എം.സി.സി. ജനറല്‍ സെക്രട്ടറി സക്കീര്‍ കീഴാറ്റൂര്‍ സ്വാഗതവും ട്രഷറര്‍ അബ്ദുല്‍ മജീദ് താഴേക്കോട് നന്ദിയും പറഞ്ഞു.

ഫോട്ടോ: പ്രവാസ ജീവിതം മതിയാക്കി നാട്ടിലേക്ക് മടങ്ങുന്ന അഭിലാഷ് വര്‍ഗീസിന് തുറബ കെ.എം.സി.സി.യുടെ ഉപഹാരം ജനറല്‍ സെക്രട്ടറി സക്കീര്‍ കീഴാറ്റൂര്‍ കൈമാറുന്നു.