റിയാദ്: ഇന്ത്യന്‍ രൂപയുടെ മൂല്യം സര്‍വകാല തകര്‍ച്ച നേരിട്ടതോടെ സൗദി റിയാല്‍ ഉള്‍പ്പെടെയുള്ള ഗള്‍ഫ് കറന്‍സികളുടെ വിനിമയ നിരക്കില്‍ വന്‍ വര്‍ധനവ്. ആഗോള വിപണിയില്‍ ഡോളര്‍ കരുത്താര്‍ജ്ജിച്ചതോടെയാണ് രൂപയുടെ മൂല്യം കുത്തനെ ഇടിഞ്ഞത്. ഇതോടെ സൗദിയില്‍ നിന്നുള്ള പ്രവാസികള്‍ക്ക് നാട്ടിലേക്ക് പണമയക്കുമ്പോള്‍ മികച്ച നിരക്കാണ് ലഭിക്കുന്നത്.

നിലവിലെ വിപണി സാഹചര്യം അനുസരിച്ച് ഒരു സൗദി റിയാലിന് 25 രൂപയ്ക്ക് മുകളിലാണ് വിനിമയ നിരക്ക് ലഭിക്കുന്നത്. ബഹ്‌റൈന്‍ ദിനാര്‍ ചരിത്രത്തിലാദ്യമായി 250 രൂപ കടന്നു. മറ്റ് ജി.സി.സി കറന്‍സികളിലും ഇതിന് ആനുപാതികമായ വര്‍ധനവ് രേഖപ്പെടുത്തിയിട്ടുണ്ട്.

യുഎസ് ഡോളറിനെതിരെ രൂപയുടെ മൂല്യം 84-85 നിലവാരത്തിലേക്ക് താഴ്ന്നതാണ് ഗള്‍ഫ് കറന്‍സികള്‍ക്ക് കരുത്തായത്.
മാസാവസാനമായതിനാലും ശമ്പളം ലഭിക്കുന്ന സമയമായതിനാലും നിരക്കിലെ ഈ വര്‍ധനവ് പ്രയോജനപ്പെടുത്താന്‍ എക്സ്‌ചേഞ്ച് സെന്ററുകളില്‍ വലിയ തിരക്കാണ് അനുഭവപ്പെടുന്നത്. പണമയക്കാന്‍ സാധിക്കുന്ന ഓണ്‍ലൈന്‍ ആപ്പുകളിലും വലിയ തോതില്‍ സാന്നിധ്യം രേഖപ്പെടുത്തുന്നുണ്ട്.

രൂപയുടെ മൂല്യം ഇടിയുന്നത് ഇന്ത്യയിലെ ഇറക്കുമതി ചെലവ് വര്‍ധിപ്പിക്കുമെങ്കിലും, വിദേശത്തുള്ള സാധാരണക്കാരായ പ്രവാസികളെ സംബന്ധിച്ചിടത്തോളം കുറഞ്ഞ റിയാല്‍ നല്‍കി കൂടുതല്‍ തുക നാട്ടിലെത്തിക്കാം എന്നത് വലിയ ആശ്വാസമാണ്. വരും ദിവസങ്ങളിലും രൂപയുടെ മൂല്യത്തില്‍ മാറ്റങ്ങള്‍ ഉണ്ടാകാന്‍ സാധ്യതയുണ്ടെന്നാണ് സാമ്പത്തിക വിദഗ്ധരുടെ വിലയിരുത്തല്‍.

സൗദിയിലെ വിവിധ ബാങ്കുകളുടേയും മണി എക്സ്ചേഞ്ചുകളുടേയും നിരക്കുകള്‍ ഇപ്രകാരം.
പണമയക്കുന്നതിന് മുന്‍പ് എക്സ്‌ചേഞ്ചുകളുമായി നേരിട്ട് ബന്ധപ്പെട്ട് നിരക്ക് ഉറപ്പുവരുത്തുക. നിരക്കുകളില്‍ നേരിയ മാറ്റമുണ്ടായേക്കാം.

ക്രമനമ്പർ,ബാങ്ക് / എക്സ്ചേഞ്ച് ആപ്പ്,വിനിമയ നിരക്ക് (രൂപയിൽ)

1,Emirates NBD KSA,25.10
2,FRiENDi PAY,25.09
3,Mobily Pay,25.04
4,NEO - SNB,25.04
5,SAIB Flexx,25.01
6,Bin Yalla,25.00
7,Al Amoudi (Jeddah),25.00
8,D360,24.99
9,Barq,24.99
10,STC Pay,24.98
11,urpay,24.98
12,Tiqmo,24.95
13,Alinma Pay,24.94
14,Alinma Bank,24.93
15,Western Union,24.90
16,Riyadh Bank,24.88
17,Enjaz,24.83
18,Fawri,24.74
19,SAB,24.74
20,ANB Telemoney,24.74
21,Tahweel Al Rajhi,24.68
22,SNB Quick Pay,24.44

ശ്രദ്ധിക്കുക: വിനിമയ നിരക്കുകളിൽ ഏതു നിമിഷവും മാറ്റം വരാൻ സാധ്യതയുണ്ട്. പണമയക്കുന്നതിന് മുൻപ് ബന്ധപ്പെട്ട ആപ്പുകളിലോ ബാങ്കുകളിലോ നിരക്ക് ഉറപ്പുവരുത്തുക.