റിയാദ്: താമസസ്ഥലത്തെ മലിനജല പൈപ്പ് വൃത്തിയാക്കാന്‍ ഉപയോഗിച്ച ആസിഡിന്റെ ഗന്ധം ശ്വസിച്ച് മലപ്പുറം സ്വദേശി റിയാദില്‍ അന്തരിച്ചു. വേങ്ങര നെടുംപറമ്പ് കാക്കട കടവന്‍ പരേതനായ ആലസ്സന്‍കുട്ടിയുടെ മകന്‍ ഇസ്മായില്‍ (51) ആണ് മരിച്ചത്.
റിയാദ് അസീസിയയില്‍ താമസിച്ചിരുന്ന ഇസ്മായില്‍, തിങ്കളാഴ്ചയാണ് അപകടത്തില്‍പ്പെട്ടത്. അദ്ദേഹം താമസിക്കുന്ന ഫ്‌ലാറ്റിലെ പൈപ്പിലെ തടസ്സം നീക്കുന്നതിനായി സള്‍ഫ്യൂരിക് ആസിഡ് ഒഴിച്ചിരുന്നു. എന്നാല്‍ ഇക്കാര്യമറിയാതെ ബാത്‌റൂമില്‍ പ്രവേശിച്ച ഇസ്മായില്‍ ആസിഡിന്റെ രൂക്ഷഗന്ധം ശ്വസിച്ച് ബോധരഹിതനായി വീഴുകയായിരുന്നു. ഉടന്‍ തന്നെ റിയാദ് അല്‍ ഈമാന്‍ ആശുപത്രിയില്‍ പ്രവേശിപ്പിച്ചെങ്കിലും തൊട്ടടുത്ത ദിവസം മരണം സംഭവിക്കുകയായിരുന്നു.
നസീറയാണ് ഭാര്യ. ഫാത്തിമ ഹന, ഹനീന്‍ മുഹമ്മദ്, ഹൈസ ഹാസിം, ഹെന്‍സ അസ്രിന്‍ എന്നിവരാണ് മക്കള്‍. മൃതദേഹം റിയാദില്‍ തന്നെ ഖബറടക്കുന്നതിനുള്ള നടപടിക്രമങ്ങള്‍ സാമൂഹിക പ്രവര്‍ത്തകന്‍ സിദ്ദീഖ് തുവ്വൂരിന്റെ നേതൃത്വത്തില്‍ പുരോഗമിക്കുന്നു.
Related News
