ജിദ്ദ: ജിദ്ദ ഏറനാട് മണ്ഡലം കെ.എം.സി.സി ഇഫ്താര്‍ കുടുംബ സംഗമവും മുനീര്‍ കുടുംബ സഹായ ഫണ്ട് വിതരണവും സംഘടിപ്പിച്ചു. ഷറഫിയ അല്‍ റയാന്‍ ക്ലിനിക്ക് ഓഡിറ്റോറിയത്തില്‍ നടന്ന സംഗമം ജിദ്ദ മലപ്പുറം ജില്ലാ കെ.എം.സി.സി ജനറല്‍ സെക്രട്ടറി നാണി ഇസ്ഹാഖ് മാസ്റ്റര്‍ ഉദ്ഘാടനം ചെയ്തു.
ജില്ലാ കമ്മിറ്റിയുടെ കുടുംബ സുരക്ഷാ പദ്ധതിയില്‍ ചേരാനുള്ള അവസാന തീയതി അടുത്തുവെന്നും, പരമാവധി ആളുകളെ പദ്ധതിയില്‍ ചേര്‍ക്കണമെന്നും അദ്ദേഹം പറഞ്ഞു. കൂടാതെ നോര്‍ക്ക കെയര്‍ രജിസ്‌ട്രേഷന്‍ ഇപ്പോള്‍ ലഭ്യമാണെന്നും പ്രവാസികള്‍ ഇത് പ്രയോജനപ്പെടുത്താന്‍ മടിക്കരുതെന്നും നാണി മാസ്റ്റര്‍ വ്യക്തമാക്കി.
ജില്ലാ ഭാരവാഹി അബു കാട്ടുപാറ റമദാന്‍ സന്ദേശം നല്‍കി. അടുത്തിടെ അന്തരിച്ച മണ്ഡലത്തിലെ കെ.എം.സി.സി പ്രവര്‍ത്തകരായിരുന്ന മുനീര്‍ കാവനൂര്‍, മുസ്തഫ വെള്ളില എന്നിവരെ ജില്ലാ വൈസ് പ്രസിഡന്റ് സൈതലവി പുളിയക്കോട് അനുസ്മരിച്ചു. അരീക്കോട് ബ്ലോക്ക് മെമ്പര്‍ ജലീല ടീച്ചര്‍ ആശംസകള്‍ നേര്‍ന്നു. ജിദ്ദ ഏറനാട് മണ്ഡലം കെ.എം.സി.സിയും ജിദ്ദ കാവനൂര്‍ പഞ്ചായത്ത് കെ.എം.സി.സിയും സംയുക്തമായി സമാഹരിച്ച മുനീര്‍ കാവനൂര്‍ കുടുംബ സഹായ ഫണ്ട്, ജില്ലാ അഡൈ്വസറി ചെയര്‍മാന്‍ കെ.എം. മുഹമ്മദ് മണ്ഡലം കമ്മിറ്റി സെക്രട്ടറി മൊയ്തീന്‍ കുട്ടി കാവനൂരിന് കൈമാറി.
ജിദ്ദ ഏറനാട് മണ്ഡലം കെ.എം.സി.സി പ്രസിഡന്റ് സുല്‍ഫീക്കര്‍ ഒതായി ചടങ്ങില്‍ അധ്യക്ഷത വഹിച്ചു. ജനറല്‍ സെക്രട്ടറി മൊയ്തീന്‍ കുട്ടി സ്വാഗതവും ട്രഷറര്‍ മന്‍സൂര്‍ അരീക്കോട് നന്ദിയും പറഞ്ഞു. അബു അരീക്കോട് ഖിറാത്ത് നടത്തി. മണ്ഡലം ഭാരവാഹികളായ സലാം കെ.വി, സലിം കിഴുപറമ്പ്, അലി പത്തനാപുരം, ബക്കര്‍ കെ.ടി, മുഹമ്മദ് സി, ഫാറൂഖ് ഉറങ്ങാട്ടിരി എന്നിവര്‍ ആശംസകള്‍ നേര്‍ന്നു. വിവിധ പഞ്ചായത്ത് ഭാരവാഹികള്‍ പരിപാടിക്ക് നേതൃത്വം നല്‍കി.
.jpg)
Related News
