ജിദ്ദ: മൈത്രി ജിദ്ദ സംഘടിപ്പിച്ച ഇഫ്താര്‍ സംഗമം ജനപങ്കാളിത്തത്തോടെ ശ്രദ്ധേയമായി. ജിദ്ദയിലെ ജീവകാരുണ്യ, രാഷ്ട്രീയ, സാമൂഹിക, സാംസ്‌കാരിക മേഖലകളിലെ പ്രമുഖ നേതാക്കളും പ്രവര്‍ത്തകരും ചടങ്ങില്‍ പങ്കെടുത്തു. വിശ്വാസവും സൗഹൃദവും ശക്തിപ്പെടുത്തുന്നതിനൊപ്പം സമൂഹ ഐക്യം വളര്‍ത്തുകയാണ് ഇത്തരം സംഗമങ്ങളുടെ ലക്ഷ്യമെന്ന് സംഘാടകര്‍ പറഞ്ഞു. വിവിധ സംഘടനകളുടെ പ്രതിനിധികള്‍ ആശംസകള്‍ നേര്‍ന്ന് സംസാരിക്കുകയും, ഇത്തരത്തിലുള്ള കൂട്ടായ്മകള്‍ പ്രവാസി സമൂഹത്തില്‍ സഹകരണ മനോഭാവം വര്‍ധിപ്പിക്കുന്നതില്‍ നിര്‍ണായകമാണെന്ന് അഭിപ്രായപ്പെടുകയും ചെയ്തു.
മൈത്രി അംഗങ്ങളും ജിദ്ദ സമൂഹത്തിലെ വിവിധ സംഘടന പ്രധിനിതികളും പങ്കെടുത്ത ഇഫ്താര്‍ സംഗമം ആത്മീയതയും സൗഹൃദവും നിറഞ്ഞ അന്തരീക്ഷത്തില്‍ ഇഫ്താര്‍ വിഭവങ്ങള്‍ പങ്കിട്ടു കൊണ്ട് നടന്നു. സാമൂഹിക ഐക്യത്തിനും സൗഹൃദ ബന്ധങ്ങള്‍ക്കുമായി വരുന്ന നാളുകളില്‍ വിവധ തരത്തിലുള്ള പരിപാടികള്‍ സംഘടിപ്പിക്കുമെന്ന് മൈത്രി ഭാരവാഹികള്‍ അറിയിച്ചു. പ്രസിഡന്റ് ഷരീഫ് അറക്കല്‍ അദ്ധ്യക്ഷനായ യോഗത്തില്‍ ജനറല്‍ സെക്രട്ടറി നവാസ് ബാവ തങ്ങള്‍ സ്വാഗതവും ട്രഷറര്‍ കിരണ്‍ കലാനി നന്ദിയും പറഞ്ഞു.
Related News
