ജിദ്ദ: ഒതായി ചാത്തല്ലൂര്‍ വെല്‍ഫെയര്‍ കമ്മിറ്റിയുടെ ആഭിമുഖ്യത്തില്‍ ഇഫ്താര്‍ വിരുന്നും കുടുംബസംഗമവും സംഘടിപ്പിച്ചു. ഷറഫിയയിലെ എല്ലോറ റെസ്റ്റോറന്റില്‍ നടന്ന ചടങ്ങില്‍ ഒതായി ചാത്തല്ലൂര്‍ പ്രദേശത്തുനിന്നും വിവാഹം കഴിച്ച മരുമക്കളെ കൂടി ഉള്‍പ്പെടുത്തിക്കൊണ്ട് വിപുലമായ രീതിയിലാണ് പരിപാടി നടത്തിയത്.
വെല്‍ഫെയര്‍ കമ്മിറ്റി പ്രസിഡന്റ് മുഹമ്മദ് അമീന്‍ ചെമ്മല അധ്യക്ഷത വഹിച്ച ചടങ്ങ് മുഖ്യ രക്ഷാധികാരി സുല്‍ഫീക്കര്‍ ഒതായി ഉദ്ഘാടനം ചെയ്തു. കമ്മിറ്റിയുടെ വരാനിരിക്കുന്ന പ്രവര്‍ത്തനങ്ങളെക്കുറിച്ച് സെക്രട്ടറി സുനീര്‍ കെ.പി. വിശദീകരിച്ചു.
മുജീബ് സ്വലാഹി റമദാന്‍ സന്ദേശം നല്‍കി. ആരാധനാ കര്‍മ്മങ്ങള്‍ക്കായി കൂടുതല്‍ സമയം നീക്കിവെക്കുന്നതോടൊപ്പം വിശുദ്ധ ഖുര്‍ആന്‍ പാരായണം ചെയ്യാനും അത് പഠിക്കാനും വിശ്വാസികള്‍ സമയം കണ്ടെത്തണമെന്ന് അദ്ദേഹം ഉണര്‍ത്തി.
രക്ഷാധികാരി അഷ്‌റഫ് വി.ടി. സ്വാഗതം ആശംസിച്ചു. ഫൈസല്‍ ബാബു കെ.സി, അഷ്‌റഫ് പി.വി, ഷക്കീല പി.വി, മുഹ്‌സിന ടീച്ചര്‍, ഗഫൂര്‍ പി.സി, ഹബീബ് കാഞ്ഞിരാല, ആസിഫ് ഗഫൂര്‍ എന്നിവര്‍ ആശംസകള്‍ നേര്‍ന്നു. ട്രഷറര്‍ ഷിജാഹ് വി.ടി. നന്ദി രേഖപ്പെടുത്തി.
Related News
