കണ്ണൂര്‍: കണ്ണൂരില്‍ മന്ത്രി വീണാ ജോര്‍ജിനെതിരെയുണ്ടായ അതിക്രമത്തില്‍ പ്രതിഷേധിച്ച് ഡിവൈഎഫ്ഐ നടത്തിയ പ്രകടനത്തില്‍ ഉയര്‍ന്ന സ്ത്രീവിരുദ്ധ മുദ്രാവാക്യങ്ങള്‍ക്കെതിരെ കോണ്‍ഗ്രസ് നേതാവ് വി.ടി ബല്‍റാം. വ്യാഴാഴ്ച തന്റെ ഫേസ്ബുക്ക് കുറിപ്പിലാണ് വി.ടി ബല്‍റാം നിലപാടറിയിച്ചത്.
ബുധനാഴ്ച ചിന്ത ജെറോം നയിച്ച പ്രതിഷേധ ജാഥയില്‍ ഡിവൈഎഫ്ഐ പ്രവര്‍ത്തകര്‍ വിളിച്ച മുദ്രാവാക്യങ്ങള്‍ അങ്ങേയറ്റം സ്ത്രീവിരുദ്ധവും സംസ്‌കാരശൂന്യവുമാണെന്ന് വി.ടി ബല്‍റാം പറഞ്ഞു. പ്രകോപനപരമായ ഈ മുദ്രാവാക്യങ്ങളിലെ ഓരോ വാക്കും അക്രമോത്സുകവും ജനാധിപത്യവിരുദ്ധവുമാണെന്നും അദ്ദേഹം കൂട്ടിച്ചേര്‍ത്തു.
സി.പി.എം പ്രവര്‍ത്തകരായതുകൊണ്ടുതന്നെ ഇത്തരം വിഷയങ്ങളില്‍ സാംസ്‌കാരിക നായകരുടെ ഭാഗത്തുനിന്ന് വിമര്‍ശനമോ മറ്റ് സാമൂഹിക ഓഡിറ്റിങ്ങോ ഉണ്ടാകാന്‍ സാധ്യതയില്ലെന്നും ബല്‍റാം പരിഹസിച്ചു. എന്നിരുന്നാലും, ചിന്ത ജെറോമിന്റേയും കൂട്ടരുടേയും ഈ പ്രവൃത്തി വളരെ മോശമായിപ്പോയെന്നും തന്റെ വിയോജിപ്പ് പരസ്യമായി രേഖപ്പെടുത്തുകയാണെന്നും അദ്ദേഹം വ്യക്തമാക്കി.
എന്നാല്‍ താന്‍ സ്ത്രീവിരുദ്ധമോ അസഭ്യമായതോ ആയ മുദ്രാവാക്യങ്ങള്‍ വിളിച്ചിട്ടില്ലെന്ന് ചിന്ത പറഞ്ഞു.
Related News
