ദമാം- കിംഗ് ഫഹദ് അന്താരാഷ്ട്ര വിമാനത്താവളത്തില്‍ വിമാനങ്ങളുടെ ഗതാഗതം കൂടുതല്‍ സുരക്ഷിതമാക്കുന്നതിനായി പുതിയ നാവിഗേഷന്‍ സാങ്കേതികവിദ്യ അവതരിപ്പിച്ചു.
മൂടല്‍മഞ്ഞുള്ള സമയത്തും മോശം കാലാവസ്ഥയിലും വിമാനങ്ങള്‍ സുഗമമായി ലാന്‍ഡ് ചെയ്യുന്നതിനും ടേക്ക് ഓഫ് ചെയ്യുന്നതിനും ഈ സംവിധാനം സഹായിക്കും. വിമാനത്താവളത്തിന്റെ പ്രവര്‍ത്തനക്ഷമത വര്‍ദ്ധിപ്പിക്കാന്‍ ഇതിലൂടെ സാധിക്കും.
യാത്രക്കാരുടെ സുരക്ഷ ഉറപ്പാക്കുന്നതിനൊപ്പം വിമാനങ്ങള്‍ വൈകുന്നത് ഒഴിവാക്കാനും ഈ പുതിയ ഡിജിറ്റല്‍ പ്ലാറ്റ്ഫോം ഉപകരിക്കും. ആഗോള നിലവാരത്തിലുള്ള വിമാനത്താവളമാക്കി ഇതിനെ മാറ്റുക എന്നതാണ് ലക്ഷ്യം.
സൗദി അറേബ്യയുടെ ട്രാന്‍സ്‌പോര്‍ട്ട് ആന്‍ഡ് ലോജിസ്റ്റിക്‌സ് മേഖലയിലെ വികസന പ്രവര്‍ത്തനങ്ങളുടെ ഭാഗമായാണ് ഈ നവീകരണം നടപ്പിലാക്കിയിരിക്കുന്നത്. ഇതോടെ കിഴക്കന്‍ പ്രവിശ്യയിലെ പ്രധാന യാത്രാ കേന്ദ്രമായി ദമ്മാം വിമാനത്താവളം കൂടുതല്‍ ശക്തിപ്പെടും.
Related News
