റിയാദ് : പുണ്യമാസത്തെ വരവേല്‍ക്കാന്‍ 96 മണിക്കൂര്‍ നീളുന്ന റമദാന് ഷോപ്പിംഗ് ഓഫറുകള്‍ക്ക് തുടക്കം കുറിച്ച് ലുലു ഹൈപ്പര്‍മാര്‍ക്കറ്റ്. മലയാളികളുടെ പ്രിയ നടി ഭാവന ഉദ്ഘാടനം ചെയ്തതോടെയാണ് സൗദിയിലുടനീളമുള്ള മുഴുവന്‍ ലുലു ഹൈപ്പര്‍മാര്‍ക്കറ്റുകളിലും റമദാന് ക്രസന്റ് ഓഫറുകള്‍ക്ക് തുടക്കമായത്. ലുലു ഹൈപ്പര്‍മാര്‍ക്കറ്റിലെ ഓഫര്‍ കാറ്റഗറികളും ഭാവന സന്ദര്‍ശിച്ചു. പുതിയ ചിത്രമായ അനോമിയുടെ പ്രമോഷന്റെ ഭാഗമായി റിയാദിലെത്തിയതായിരുന്നു ഭാവന. ഫെബ്രുവരി 15 മുതല്‍ 18 വരെ നീളുന്ന റമദാന് ഓഫറുകളുടെ ഭാഗമായി ലുലു ഹൈപ്പര്‍മാര്‍ക്കറ്റുകളിലെ ഗ്രോസറി, ഫാഷന്‍, ഇലക്ട്രോണിക്‌സ് അടക്കം എല്ലാ കാറ്റഗറികളിലും ഉത്പന്നങ്ങള്‍ക്ക് വന്‍ വിലക്കിഴിവുണ്ടായിരിക്കും.
പുണ്യമാസത്തെ വരവേല്‍ക്കാനൊരുങ്ങുന്ന വേളയില്‍ ഉപഭോക്താക്കള്‍ക്ക് എല്ലാ സാധനങ്ങളും ഒരു കുടക്കീഴില്‍ ലാഭകരമായി വാങ്ങാന്‍ അവസരമൊരുക്കുയാണ് റമദാന് ക്രസന്റ് ഓഫറുകള്‍. ഗ്രോസറി, മറ്റ് വീട്ടുസാധനങ്ങള്‍ അടക്കം എല്ലാത്തിനും ഈ ദിവസങ്ങളില്‍ വന്‍ ഓഫറുകളുണ്ടായിരിക്കും. റെഡി ടു പ്രിപ്പെയര്‍ ഫുഡ്സ്, ഡെസര്‍ട്ടുകള്‍, ചീസുകള്‍, കോള്‍ഡ് കട്‌സ്, കുട്ടികള്‍ക്കായുള്ള പ്രത്യേക ഭക്ഷണവിഭവങ്ങള്‍, ഷുഗര്‍ ഫ്രീ ഉത്പന്നങ്ങള്‍, അരി, എണ്ണ, പാല്‍പ്പൊടി, തേയില, പഞ്ചസാര, ജ്യൂസ് ഉല്‍പന്നം, പാസ്ത, ഈത്തപ്പഴം, ധാന്യങ്ങള്‍, ചിക്കന്‍ സ്‌റ്റോക്ക് എന്നിവയടക്കം റമദാന് മുന്നോടിയായി ഓരോ കുടുംബത്തിനും ദൈനംദിന ആവശ്യങ്ങള്‍ക്കുള്ള എല്ലാ സാധനങ്ങളും വാങ്ങാന്‍ അനുയോജ്യമായ ഓഫറുകളാണ് റമദാന് ക്രസന്റില്‍ ഒരുക്കിയിരിക്കുന്നത്.
ഇലക്ട്രോണിക്‌സ്, ഫാഷന്‍, ഫുട് വെയര്‍, ലേഡീസ് ബാഗുകള്‍, ഔട്ട്‌ഡോര്‍ ആക്‌സസറീസ് എന്നീ കാറ്റഗറികളിലും വിലക്കുറവ് സ്വന്തമാക്കാന്‍ ഈ ദിവസങ്ങളില്‍ ഉപഭോക്താക്കള്‍ക്ക് കഴിയും.
Related News
