റിയാദ്: പ്രതിപക്ഷ നേതാവ് വി.ഡി. സതീശന്‍ നയിക്കുന്ന 'പുതുയുഗ യാത്ര' മലപ്പുറം ജില്ലയില്‍ പ്രവേശിക്കുന്നതിന്റെ ആവേശത്തില്‍ പങ്കുചേര്‍ന്ന് ഒ.ഐ.സി.സി. റിയാദ് മലപ്പുറം ജില്ലാ കമ്മിറ്റി ഐക്യദാര്‍ഢ്യ സംഗമം സംഘടിപ്പിച്ചു.
റിയാദിലെ ഒ.ഐ.സി.സി. ആസ്ഥാനമായ സബര്‍മതിയില്‍ നടന്ന സംഗമം ഒ.ഐ.സി.സി. ചുമതലയും മലപ്പുറം ഡി.സി.സി. ചാര്‍ജും വഹിക്കുന്ന കെ.പി.സി.സി. ജനറല്‍ സെക്രട്ടറി പി.എ. സലീം ഉദ്ഘാടനം ചെയ്തു. ജില്ലാ പ്രസിഡന്റ് സിദ്ദീഖ് കല്ലുപറമ്പന്റെ അധ്യക്ഷതയില്‍ നടന്ന ചടങ്ങില്‍ സെന്‍ട്രല്‍ കമ്മിറ്റി പ്രസിഡന്റ് സലിം കളക്കര, മുന്‍ പ്രസിഡന്റ് അബ്ദുല്ല വല്ലാഞ്ചിറ, ഗ്ലോബല്‍ കമ്മിറ്റി മെമ്പര്‍ നൗഫല്‍ പാലക്കെടാന്‍, ഗ്ലോബല്‍ നേതാവ് റസാഖ് പൂക്കോട്ടുംപാടം , ജില്ലാ കമ്മിറ്റിയുടെ ചുമതല വഹിക്കുന്ന രഘുനാഥ് പറശിനിക്കടവ് എന്നിവര്‍ മുഖ്യാതിഥികളായി.
കേരളത്തിലെ ജനവിരുദ്ധ നയങ്ങള്‍ക്കെതിരായ ഈ പോരാട്ടത്തിന് പ്രവാസലോകത്തിന്റെ പൂര്‍ണ്ണ പിന്തുണ സംഗമം വാഗ്ദാനം ചെയ്തു. സെന്‍ട്രല്‍ കമ്മിറ്റി ജനറല്‍ സെക്രട്ടറി സക്കീര്‍ ദാനത്ത്, ജില്ലാ ജനറല്‍ സെക്രട്ടറി ജംഷാദ് തുവ്വൂര്‍, അമീര്‍ പാണ്ടിക്കാട് , ബഷീര്‍ കോട്ടക്കല്‍, അന്‍സാര്‍ വാഴക്കാട്, ഷമീര്‍ വണ്ടൂര്‍, വനിതാ വേദി ട്രഷറര്‍ സൈഫുന്നിസ സിദ്ധീഖ്, ജില്ലാ വര്‍ക്കിംഗ് പ്രസിഡന്റ് വാഹീദ് വാഴക്കാട്, മീഡിയ കോര്‍ഡിനേറ്റര്‍ അലി അഹമ്മദ് ആസാദ്, ഉമര്‍ അലി അക്ബര്‍, അന്‍സാര്‍ നൈതല്ലൂര്‍, മുജീബ് സി.ഡി, ജില്ലാ ട്രഷറര്‍ ഷറഫു ചുറ്റന്‍, ജലീല്‍ തിരൂര്‍, ഷാജു തുവ്വൂര്‍, പ്രഭാകരന്‍, ഉണ്ണി വാഴയൂര്‍, ബനൂജ്, അക്ബര്‍ ഷാ, ഇസ്മായില്‍ തുടങ്ങിയ പ്രമുഖ നേതാക്കള്‍ സംഗമത്തില്‍ പങ്കെടുത്തു.
Related News
