അല്‍-അഹ്‌സ - നഗരസഭ അധികൃതര്‍ നടത്തിയ പരിശോധനയില്‍, കൃഷിഭൂമിയില്‍ പ്രവര്‍ത്തിച്ചിരുന്ന അനധികൃത വാണിജ്യ കേന്ദ്രം പിടികൂടി. ഉപഭോക്താക്കളുടെ സംരക്ഷണം ഉറപ്പാക്കുന്നതിനും ഭക്ഷ്യവസ്തുക്കളുടെ സുരക്ഷ ഉറപ്പുവരുത്തുന്നതിനുമായി നടത്തിയ പ്രത്യേക പരിശോധനയ്ക്കിടയിലാണ് ഈ ക്രമക്കേട് കണ്ടെത്തിയത്.
ശീതീകരിച്ച കോഴിയിറച്ചി ഐസ് ഉരുക്കി മാറ്റി പുതിയതെന്ന വ്യാജേന വില്‍പന നടത്തുന്നതായി നഗരസഭാ അധികൃതര്‍ കണ്ടെത്തി. നിലവിലുള്ള നിയമങ്ങളുടെയും സുരക്ഷാ മാനദണ്ഡങ്ങളുടെയും ലംഘനമാണ് ഈ ഫാമില്‍ നടന്നിരുന്നതെന്ന് അധികൃതര്‍ വ്യക്തമാക്കി.
നിയമവിരുദ്ധമായി പ്രവര്‍ത്തിച്ച ഫാം ഉടമകള്‍ക്കെതിരെയും അതിന് പിന്നില്‍ പ്രവര്‍ത്തിച്ചവര്‍ക്കെതിരെയും ശക്തമായ നിയമനടപടികള്‍ സ്വീകരിച്ചിട്ടുണ്ട്. പിടിച്ചെടുത്ത ഉല്‍പ്പന്നങ്ങള്‍ ചട്ടങ്ങള്‍ക്കനുസൃതമായി നശിപ്പിക്കുകയും ആവശ്യമായ നിയമപരമായ നടപടിക്രമങ്ങള്‍ പൂര്‍ത്തിയാക്കുകയും ചെയ്തതായി നഗരസഭ അറിയിച്ചു.
Related News
