റിയാദ്: സൗദി അറേബ്യയിലെ വിവിധ പ്രവിശ്യകളില്‍ 24 മണിക്കൂറിനിടെ വ്യാപകമായ മഴ ലഭിച്ചതായി പരിസ്ഥിതി, ജല, കൃഷി മന്ത്രാലയത്തിന്റെ ദൈനംദിന റിപ്പോര്‍ട്ട് വ്യക്തമാക്കുന്നു. രാജ്യത്തെ 7 പ്രവിശ്യകളിലായി പെയ്ത മഴയില്‍, മക്ക മേഖലയിലെ അല്‍ ഖുര്‍മ ഗവര്‍ണറേറ്റിലെ അല്‍ ഗരീഫിലാണ് ഏറ്റവും കൂടുതല്‍ മഴ രേഖപ്പെടുത്തിയത് (32.6 mm).


വിവിധ മേഖലകളിലെ മഴയുടെ അളവ്:

മക്ക പ്രവിശ്യ: അല്‍ ഖുര്‍മയില്‍ 32.6 mm മഴ ലഭിച്ചപ്പോള്‍, അല്‍ മുവൈഹിലെ അല്‍ റുക്‌നയില്‍ 8.0 mm, മയ്‌സാനില്‍ 1.7 mm, തായിഫിലെ ഹദ്ദാദ് ബനി മാലിക്കില്‍ 0.5 mm എന്നിങ്ങനെ മഴ രേഖപ്പെടുത്തി.

മദീന പ്രവിശ്യ: മഹ്ദ് അല്‍ ദഹാബ് ഗവര്‍ണറേറ്റിലെ തര്‍ബില്‍ 11.6 mm മഴ ലഭിച്ചു. അല്‍ ഹനാക്കിയയിലെ അല്‍ ഹസൂ മുനിസിപ്പാലിറ്റിയില്‍ 2.2 mm മഴയും റിപ്പോര്‍ട്ട് ചെയ്തു.

റിയാദ് പ്രവിശ്യ: അഫീഫിലെ സജ അല്‍ ഫറ റിസര്‍വില്‍ 8.6 mm, കിംഗ് ഖാലിദ് ഇന്റര്‍നാഷണല്‍ എയര്‍പോര്‍ട്ടില്‍ 5.0 mm മഴയും ലഭിച്ചു. കൂടാതെ അല്‍ മജ്മഅ (3.4), അല്‍ ഖര്‍ജ് (1.6), ഹല്‍ബാന്‍ (1.6) എന്നിവിടങ്ങളിലും മഴ പെയ്തു.

ഖസീം പ്രവിശ്യ: അല്‍ നബാനിയയില്‍ 6.2 mm മഴയും അല്‍ ആസ്യ മേഖലയില്‍ ശരാശരി 1.3 mm മഴയും രേഖപ്പെടുത്തി.

കിഴക്കന്‍ പ്രവിശ്യ: റാസ് തന്നൂറയില്‍ 3.4, ഹഫര്‍ അല്‍ ബാത്തിനില്‍ 2.9, ജുബൈല്‍ നേവല്‍ ബേസില്‍ 2.8 എന്നിങ്ങനെയാണ് മഴയുടെ കണക്കുകള്‍. ഖോബാറിലെ അല്‍ ദുഗൈതര്‍ ഗ്രാമത്തില്‍ 2.2 മഴ ലഭിച്ചു.

ഹായില്‍, വടക്കന്‍ അതിര്‍ത്തികള്‍: ഹായിലിലെ ബഖായില്‍ 1.0 മഴ ലഭിച്ചപ്പോള്‍, വടക്കന്‍ അതിര്‍ത്തി മേഖലയിലെ റഫ്ഹ എയര്‍പോര്‍ട്ടില്‍ 0.8 മഴ രേഖപ്പെടുത്തി.

വെള്ളിയാഴ്ച രാവിലെ 9 മണി മുതല്‍ ശനിയാഴ്ച രാവിലെ 9 മണി വരെയുള്ള സമയപരിധിയില്‍ 51 ഹൈഡ്രോളജിക്കല്‍, ക്ലൈമാറ്റിക് മോണിറ്ററിംഗ് സ്റ്റേഷനുകള്‍ വഴിയാണ് ഈ വിവരങ്ങള്‍ ശേഖരിച്ചത്. വരും ദിവസങ്ങളിലും ചിലയിടങ്ങളില്‍ മഴ തുടരാന്‍ സാധ്യതയുണ്ടെന്നാണ് സൂചന.