കോഴിക്കോട്: രാജ്യസഭാ എംപിയും ഇന്ത്യന് ഒളിംപിക്സ് അസോസിയേഷന് പ്രസിഡന്റുമായ ഡോ. പി.ടി. ഉഷയുടെ ഭര്ത്താവ് വി. ശ്രീനിവാസന് (64) അന്തരിച്ചു. ഇന്നു പുലര്ച്ചെ ഒരു മണിയോടെ തിക്കോടി പെരുമാള്പുരത്ത് ഉഷസ് വീട്ടില് കുഴഞ്ഞുവീഴുകയായിരുന്നു. ഉടന് തന്നെ സമീപത്തെ സ്വകാര്യ ആശുപത്രിയില് എത്തിച്ചെങ്കിലും മരണപ്പെടുകയായിരുന്നു. സംഭവ സമയത്ത് പി.ടി ഉഷ വീട്ടിലുണ്ടായിരുന്നില്ല. പാര്ലമെന്റ് സമ്മേളനത്തില് പങ്കെടുക്കാന് ഡല്ഹിയിലായിരുന്നു.
പൊന്നാനി കുറ്റിക്കാട് വെങ്ങാലി തറവാട്ടിലെ നാരായണന് സരോജനി ദമ്പതികളുടെ മകനാണ്. കേന്ദ്ര വ്യവസായ സുരക്ഷാ സേനയിലെ റിട്ട. ഡിവൈഎസ്പിയായിരുന്നു. 1991ലായിരുന്നു പി.ടി ഉഷയുമായുള്ള വിവാഹം. മകന്. ഡോ. ഉജജ്വല് വിഗ്നേഷ്. പി.ടി ഉഷ ഡല്ഹിയില്നിന്ന് നാട്ടിലേക്ക് തിരിച്ചിട്ടുണ്ട്. സംസ്കാരം പിന്നീട്.
Related News
