ജിദ്ദ: പ്രമുഖ പ്രവാസി സാംസ്‌കാരിക സംഘടനയായ ജിദ്ദ തിരുവിതാംകൂര്‍ അസോസിയേഷന് (ജെ.ടി.എ) അഞ്ചാം വര്‍ഷത്തിലേക്ക് കടക്കുന്നതിന്റെ ഭാഗമായി സംഘടിപ്പിച്ച ജനറല്‍ ബോഡി യോഗം പുതിയ ഭാരവാഹികളെ തെരഞ്ഞെടുത്തു. ജിദ്ദയിലെ വിവിധ മേഖലകളില്‍ സജീവമായ സംഘടന, വരും വര്‍ഷങ്ങളില്‍ കൂടുതല്‍ വൈവിധ്യമാര്‍ന്ന ജീവകാരുണ്യ-സാംസ്‌കാരിക പ്രവര്‍ത്തനങ്ങളുമായി മുന്നോട്ട് പോകാന്‍ യോഗത്തില്‍ തീരുമാനമായി.
പുതിയ നേതൃനിര: പ്രസിഡന്റ് - നൗഷാദ് ജമാല്‍ പന്‍മന, ജനറല്‍ സെക്രട്ടറി - റഷീദ് ഓയൂര്‍, ട്രഷറര്‍ - രഞ്ജിത്ത് വള്ളികുന്നം, ചെയര്‍മാന്‍ - നസീര്‍ വാവാക്കുഞ്ഞ്. രക്ഷാധികാരി-അലി തേക്കുതോട്, ജനറല്‍ കണ്‍വീനര്‍-ദിലീപ് താമരക്കുളം, മറ്റു ഭാരവാഹികള്‍:വൈസ് പ്രസിഡന്റുമാര്‍: അനില്‍ വിദ്യാധരന്‍, നൂഹ് ബീമാപള്ളി, മാജാ സാഹിബ്, ജോയിന്റ് സെക്രട്ടറിമാര്‍: നവാസ് ബീമാപള്ളി, ആഷിര്‍ കൊല്ലം, ഷെഫിന്‍ ഷാ, കണ്‍വീനര്‍മാര്‍: ശിഹാബ് താമരക്കുളം (കള്‍ച്ചറല്‍), മുജീബ് കന്യാകുമാരി (സ്‌പോര്‍ട്‌സ്), മസൂദ് ബാലരാമപുരം (വെല്‍ഫെയര്‍), അസിസ്റ്റന്റ് കണ്‍വീനര്‍മാര്‍: ഷറഫുദ്ദീന്‍ പത്തനംതിട്ട (കള്‍ച്ചറല്‍), ഷാനവാസ് കോന്നി (സ്‌പോര്‍ട്‌സ്), അയ്യൂബ് പന്തളം (വെല്‍ഫെയര്‍).
കഴിഞ്ഞ കാലയളവില്‍ മികച്ച രീതിയിലുള്ള പ്രവാസി ക്ഷേമ പ്രവര്‍ത്തനങ്ങളും കലാസാംസ്‌കാരിക പരിപാടികളും സംഘടിപ്പിക്കാന്‍ സാധിച്ചതില്‍ യോഗം സംതൃപ്തി രേഖപ്പെടുത്തി. പ്രവാസികളുടെ ഉന്നമനം ലക്ഷ്യമിട്ടുള്ള പുതിയ പദ്ധതികള്‍ക്ക് വരും നാളുകളില്‍ രൂപം നല്‍കുമെന്ന് പുതിയ ഭാരവാഹികള്‍ അറിയിച്ചു.
ഫോട്ടോ: നൗഷാദ് ജമാല്‍, റഷീദ് ഓയൂര്‍, രഞ്ജിത്ത് വള്ളിക്കുന്നം.
Related News
