ജിസാന്‍: 17 വര്‍ഷത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന അബൂഅരീഷ് കിംഗ് ഫഹദ് ആശുപത്രിയിലെ സ്റ്റാഫ് നഴ്സ് കോഴിക്കോട് മുക്കം സ്വദേശിനി രശ്മി സത്യനും കുടുംബത്തിനും 'ജല' കിംഗ് ഫഹദ് -വാസലി യൂണിറ്റിന്റെ ആഭിമുഖ്യത്തില്‍ യാത്രയയപ്പ് നല്‍കി. യാത്രയയപ്പ് ചടങ്ങില്‍ ജല യൂണിറ്റ് ട്രഷറര്‍ വിപിന്‍ അധ്യക്ഷത വഹിച്ചു. ജലയുടെ ആശംസാ ഫലകം രക്ഷാധികാരിയും മാധ്യമപ്രവര്‍ത്തകനുമായ താഹ കൊല്ലേത്ത് രശ്മിക്കും കുടുംബത്തിനും കൈമാറി. ജല കേന്ദ്ര കമ്മിറ്റി ജനറല്‍ സെക്രട്ടറി സലാം കൂട്ടായി, പ്രസിഡന്റ് ഫൈസല്‍ മേലാറ്റൂര്‍, ഏരിയ സെക്രട്ടറിമാരായ സലിം മൈസൂര്‍, അഷറഫ് പാണ്ടിക്കാട്, യൂണിറ്റ് ഭാരവാഹികളായ സഞ്ജീവന്‍ ചെങ്ങന്നൂര്‍, മനോജ് പാണ്ടിക്കാട് അരുണ്‍കുമാര്‍ എന്നിവര്‍ ആശംസകള്‍ നേര്‍ന്നു.
കോവിഡ് കാലത്ത് മികച്ച ആതുര സേവനങ്ങള്‍ക്ക് രശ്മിയെ ജലയുടെ ആഭിമുഖ്യത്തില്‍ പ്രശസ്തിപത്രം നല്‍കി ആദരിച്ചിരുന്നു. ഗായികയായ രശ്മിയും നൃത്തകിയായ മകള്‍ തീര്‍ത്ഥയും വര്‍ഷങ്ങളായി ജിസാനിലെ പ്രവാസി സംഘടനകളുടെ കലാപരിപാടികളില്‍ സജീവസാന്നിദ്ധ്യമായിരുന്നു. രശ്മിയുടെയും തീര്‍ത്ഥയുടെയും കലാപരിപാടികള്‍ ജിസാനിലെ പ്രവാസികളുടെ ഏറെ പ്രശംസ നേടിയിരുന്നതായി ചടങ്ങില്‍ പങ്കെടുത്തവര്‍ പറഞ്ഞു. യാത്രയയപ്പ് ചടങ്ങില്‍ കിംഗ് ഫഹദ് ആശുപത്രിയിലെ സഹപ്രവര്‍ത്തകരും സുഹൃത്തുക്കളും ജല പ്രവര്‍ത്തകരുമടക്കം നിരവധിപേര്‍ പങ്കെടുത്തു. ജലയുടെ കിംഗ് ഫഹദ് യൂണിറ്റിലെ പ്രവര്‍ത്തകനായ ഭര്‍ത്താവ് സത്യാനന്ദന്‍ ജിസാനിലെ ഒരു സ്വകാര്യ കമ്പനിയിലാണ് ജോലിചെയ്തിരുന്നത്.
.jpg)
Related News
