ദമ്മാം: സൗദി മലയാളി സമാജം ദമ്മാം ചാപ്റ്റര്‍ പ്രസിദ്ധീകരിച്ച 2026 വര്‍ഷത്തെ സാഹിത്യ കലണ്ടര്‍ പ്രകാശനം ചെയ്തു. മറ്റു കലണ്ടറുകളില്‍ നിന്നും തികച്ചും വ്യത്യസ്തമായി, സാഹിത്യമേഖലയിലെ സുപ്രധാന ദിവസങ്ങളും, സംഭവങ്ങളും രേഖപ്പെടുത്തിയ കലണ്ടര്‍ തികച്ചും പുതുമയാര്‍ന്ന രീതിയിലാണ് അണിയിച്ചൊരുക്കിയത്. ദമ്മാം റോസ് ഗാര്‍ഡന്‍ ഓഡിറ്റോറിയത്തില്‍ നടന്ന ചടങ്ങില്‍ അല്‍മുന ഇന്റര്‍നാഷണല്‍ സ്‌കൂള്‍ പ്രിന്‍സിപ്പല്‍ നൗഫല്‍ പാലക്കോത്ത്, പ്രമുഖ മാധ്യപ്രവര്‍ത്തകന്‍ പി.ടി അലവിയ്ക്ക് നല്‍കിയാണ് കലണ്ടറിന്റെ പ്രകാശനകര്‍മ്മം നിര്‍വ്വഹിച്ചത്.
സൗദി മലയാളി സമാജം ദേശീയ പ്രസിഡന്റ് മാലിക് മഖ്ബൂല്‍ ചടങ്ങില്‍ അധ്യക്ഷനായിരുന്നു. മലയാളി സമാജം പ്രസിഡന്റ് സാജിദ് ആറാട്ടുപുഴ, പ്രവിശ്യയിലെ പ്രമുഖ സാമൂഹിക സാംസ്‌കാരികപ്രവര്‍ത്തകരായ ഷാജി മതിലകം, മുഷാല്‍ തഞ്ചേരി, അഷ്റഫ് ആലുവ, നൗഷാദ് ഇരിക്കൂര്‍, അബ്ദുല്‍ ഖാദര്‍ വാണിയമ്പലം, ബിജു പൂതക്കുളം, അനില്‍ റഹിമ, ഹരികൃഷ്ണന്‍, റഹ്‌മാന്‍ കാരയാട് തുടങ്ങിയവര്‍ സന്നിഹിതരായിരുന്നു.
സമാജം ഭാരവാഹികളും എക്‌സിക്യൂട്ടീവ് അംഗങ്ങളും നേതൃത്വം കൊടുത്ത ചടങ്ങില്‍ ഡോക്ടര്‍ അമിതാ ബഷീര്‍ അവതാരകയായിരുന്നു. ഡോക്ടര്‍ സിന്ധു ബിനു ചടങ്ങിന് സ്വാഗതവും, ഷനീബ് അബൂബക്കര്‍ നന്ദിയും പറഞ്ഞു.
Related News
