റിയാദ്- യമനിലെ ജനങ്ങളുടെ ജീവിതനിലവാരം മെച്ചപ്പെടുത്തുന്നതിനായി 19 ലക്ഷം റിയാലിന്റെ പുതിയ വികസന പാക്കേജ് സൗദി പ്രതിരോധ മന്ത്രി പ്രിന്‍സ് ഖാലിദ് ബിന്‍ സല്‍മാന്‍ പ്രഖ്യാപിച്ചു. യമന്‍ പ്രസിഡന്‍ഷ്യല്‍ ലീഡര്‍ഷിപ്പ് കൗണ്‍സില്‍ മേധാവിയുമായി നടത്തിയ കൂടിക്കാഴ്ചയിലാണ് ഈ പ്രഖ്യാപനം.
ആശുപത്രികള്‍, സ്‌കൂളുകള്‍ എന്നിവയുടെ നിര്‍മ്മാണവും ഏദന്‍ വിമാനത്താവളത്തിന്റെ നവീകരണവുമാണ് ഈ പാക്കേജിലൂടെ പ്രധാനമായും ലക്ഷ്യമിടുന്നത്. കൂടാതെ യമനിലെ ശുദ്ധജലക്ഷാമം പരിഹരിക്കാന്‍ വാട്ടര്‍ പ്ലാന്റുകളും സ്ഥാപിക്കും.
യമനിലെ പ്രതിസന്ധി പരിഹരിക്കാന്‍ രാഷ്ട്രീയമായ ചര്‍ച്ചകള്‍ തുടരുന്നതിനോടൊപ്പം തന്നെ മാനുഷികമായ സഹായങ്ങള്‍ നല്‍കുന്നതിലും സൗദി മുന്‍പന്തിയിലുണ്ട്. അയല്‍രാജ്യത്തിന്റെ തകര്‍ന്നടിഞ്ഞ അടിസ്ഥാന സൗകര്യങ്ങള്‍ പുനര്‍നിര്‍മ്മിക്കുക എന്നതാണ് ഇതിന്റെ ഉദ്ദേശ്യം.
യമനില്‍ സമാധാനം പുനഃസ്ഥാപിക്കാനുള്ള സൗദിയുടെ നിരന്തരമായ ശ്രമങ്ങളുടെ ഭാഗമായാണ് ഈ സഹായം കണക്കാക്കപ്പെടുന്നത്. വികസന പ്രവര്‍ത്തനങ്ങളിലൂടെ ജനങ്ങളുടെ വിശ്വാസം ആര്‍ജിക്കാനാണ് സൗദി ശ്രമിക്കുന്നത്.
.jpg)
Related News
