ജിദ്ദ: മുന്‍ മന്ത്രിയും ഇന്ത്യന്‍ യൂണിയന്‍ മുസ്ലിം ലീഗ് നേതൃനിരയില്‍ വിശ്രമരഹിത പ്രവര്‍ത്തനങ്ങള്‍ കാഴ്ച്ചവെച്ച ഇബ്രാഹിം കുഞ്ഞ്, കെ എം സി സി ജിദ്ദ സെന്‍ട്രല്‍ കമ്മിറ്റി സെക്രട്ടറി ശിഹാബ് താമരക്കുളത്തിന്റെ പിതാവ് ഷംസുദ്ധീന്‍ റാവുത്തര്‍, ദക്ഷിണ കേരള ജംഇയത്തുല്‍ ഉലമ പ്രസിഡണ്ട് കെ.പി അബൂബക്കര്‍ ഹസ്രത്ത് എന്നിവരെ സൗത്ത് സോണ്‍ കെ എം സി സി അനുസ്മരിച്ചു.
അനുസ്മരണ പ്രാര്‍ത്ഥനക്ക് ഷറഫുദ്ധീന്‍ ബാഖവി ചുങ്കത്തറ നേതൃത്വം നല്‍കി. കെ എം സി സി നാഷണല്‍ കമ്മിറ്റി സെക്രട്ടറി നാസര്‍ എടവനക്കാട് അനുസ്മരണ സംഗമം ഉദ്ഘാടനം നിര്‍വ്വഹിച്ചു. സൗദി നാഷണല്‍ കമ്മിറ്റി ഉന്നതാധികാരസമിതി അംഗം നസീര്‍ വാവാക്കുഞ്ഞ് മുഖ്യ പ്രഭാഷണം നിര്‍വ്വഹിച്ചു. സൗത്ത് സോണ്‍ പ്രസിഡണ്ട് അനസ് അരിമ്പാശ്ശേരി അധ്യക്ഷതവഹിച്ചു. സൗത്ത് സോണ്‍ ജനറല്‍ സെക്രട്ടറി നാസര്‍ കായംകുളം, സൗത്ത് സോണ്‍ നേതാക്കളയ ജാബിര്‍ മടിയൂര്‍,
റഷീദ് ചാമക്കാട്, നദീര്‍ പാനൂര്‍, നിസാറുദ്ദിന്‍ കൊല്ലം, മുഹമ്മദ് പല്ലാരിമംഗലം, മുഹമ്മദ് ഫൈസല്‍, മുഹമ്മദാലി തുടങ്ങിയവര്‍ മണ്‍ മറഞ്ഞ മഹത്തുക്കളുടെ സേവനങ്ങളെ അനുസ്മരിച്ചു പ്രസംഗിച്ചു.
മുസ്ലിം ലീഗ് സംസ്ഥാന വൈസ് പ്രസിഡന്റ് കൂടിയായിരുന്ന ഇബ്രാഹിം കുഞ്ഞിന്റെ സ്മരണാര്‍ത്ഥം സൗത്ത് സോണിന്റെ ആഭിമുഖ്യത്തില്‍ ജിദ്ദയിലെ മികച്ച ഒരു സാമൂഹ്യ പ്രവര്‍ത്തകനെ എല്ലാ വര്‍ഷവും ആദരിക്കുമെന്ന് സൗത്ത് സോണ്‍ നേതൃത്വം പ്രഖ്യാപിച്ചു.
Related News
