ജുബൈല്‍: ജനുവരി 30നു നടക്കുന്ന ജുബൈല്‍ ഫാമിലി കോണ്‍ഫറന്‍സിന്റെ പ്രചരണാര്‍ത്ഥം വനിതാ സംഗമവും ബാല സംഗമവും സംഘടിപ്പിച്ചു. ജുബൈല്‍ ഇന്ത്യന്‍ ഇസ്ലാഹി സെന്റര്‍ ഓഡിറ്റോറിയത്തില്‍ നടന്ന വനിത സംഗമത്തില്‍ അബ്ദുല്‍ ജബ്ബാര്‍ മദീനി മുഖ്യ പ്രഭാഷണം നിര്‍വ്വഹിച്ചു. ലോകത്തിലെ മുഴുവന്‍ സ്ത്രീകള്‍ക്കും മാതൃകയാക്കാവുന്ന മാതൃകാ വനിതയായിരുന്നു പ്രവാചക പത്‌നിയായിരുന്ന ആയിഷ (റ ) എന്നും വ്യക്തി ജീവിതത്തിലും കുടുംബ - സാമൂഹ്യ രംഗങ്ങളിലും ഒരു സ്ത്രീക്ക് എന്തെല്ലാം കടമകളും അവകാശങ്ങളുമുണ്ടെന്ന് കൃത്യമായി രേഖപ്പെടുത്തപ്പെട്ട അവരുടെ ജീവിതം വിളിച്ചോതുന്നുണ്ടെന്നും അദ്ദേഹം ഉദ്‌ബോധിപ്പിച്ചു. വിശ്വാസികളുടെ മാതാവായ പ്രവാചക പത്‌നി ആയിശ (റ) എന്ന വിഷയത്തെ അധികരിച്ചു സംസാരിക്കുകയായിരുന്നു അദ്ദേഹം.
ഹൃദയ വിശുദ്ധി എന്ന വിഷയത്തില്‍ കന്‍സ ഹാറൂണ്‍ പ്രഭാഷണം നടത്തി. മൂല്യബോധമുള്ള കുടുംബ സംവിധാനം രൂപപ്പെടുത്തുന്നതില്‍ സ്ത്രീകള്‍ക്കുള്ള പങ്ക് ഏറെ വലുതാണെന്നും സ്ത്രീകള്‍ക്കിടയിലെ ആത്മ സംസ്‌കരണ പ്രവര്‍ത്തനങ്ങളില്‍ കൂടുതല്‍ ശ്രദ്ധ പതിപ്പിക്കണമെന്നും ജുബൈല്‍ വനിതാ സംഗമം ആഹ്വാനം ചെയ്തു.
ഇതോടൊപ്പം നടന്ന ബാല സംഗമം, പെണ്‍കുട്ടികള്‍ക്കായി നടത്തിയ ഗേള്‍സ് ഗാതറിംഗ് എന്നിവയും ശ്രദ്ധേയമായി. ഏറെ വിദ്യാര്‍ത്ഥികള്‍ പങ്കെടുത്തു.
ജുബൈല്‍ ഫാമിലി കോണ്‍ഫറന്‍സ് സ്വാഗത സംഘം ഭാരവാഹികളായ ഷിയാസ് (ലിറ്റില്‍ വിങ്‌സ്), നിയാസ്, ജിയാസ് (യൂത്ത് വിംഗ്), മുഹമ്മദ് ഷാ, സാബിത്, ഇബ്രാഹിം സിയാദ്, അബ്ദുള്ള സിയാദ്, ഫൈസാന്‍ മൊയ്ദീന്‍ (സ്റ്റുഡന്റസ് വിങ്), നൗഫല്‍ റഹ്‌മാന്‍ (ലേഡീസ് കോ ഓര്‍ഡിനേഷന്‍ ), റഷീദ് പറളി (മീഡിയ & സൗണ്ട്) എന്നിവര്‍ വിവിധ സെഷനുകള്‍ക്ക് നേതൃത്വം നല്‍കി. മൊയ്തുണ്ണി, ബകര്‍ ടി അലവി, ഹാരിസ്, സുഫെയര്‍, ജംഷീര്‍ എന്നിവര്‍ കുട്ടികള്‍ക്കായുള്ള സമ്മാനദാനം നിര്‍വഹിച്ചു.
.jpg)
Related News
