ജിദ്ദ: ജിദ്ദയിലെ എറണാകുളം സ്വദേശികളുടെ കുടുംബ കൂട്ടായ്മയായ സൗദി റെസിഡന്റ്സ് അസോസിയേഷന്‍ (സെറ) ഹറാസാത്തിലെ യാസ്മിന്‍ വില്ലയില്‍ ക്രിസ്മസ്-പുതുവത്സര ആഘോഷം സംഘടിപ്പിച്ചു. സന്തോഷവും സാഹോദര്യവും നിറഞ്ഞൊരാണ്ടിനായി ഒന്നിച്ചുമുന്നേറാന്‍ ഉദ്ബോധനം ചെയ്തുകൊണ്ട് വിവിധ കലാപരിപാടികളും ക്രിസ്മസ് കരോളുമായി രാത്രി 9 മണിക്ക് തുടങ്ങിയ പരിപാടി പുലര്‍ച്ചെ നാലുമണി വരെ നീണ്ടു. ജിദ്ദയിലെ എറണാകുളം ജില്ലയില്‍ നിന്നുള്ള പ്രവാസി കുടുംബങ്ങളെ ഒന്നിച്ചു ചേര്‍ത്തുകൊണ്ട് രൂപീകൃതമായ സൗദി എറണാകുളം റെസിഡന്റ്സ് അസോസിയേഷന്‍ ജിദ്ദയിലെ പ്രാദേശിക സംഘടനകളില്‍ പ്രഥമഗണരീയരായത് വളരെ കുറഞ്ഞ കാലം കൊണ്ടാണ്. ക്രിസ്മസ് കരോളുമായി ആരംഭിച്ച പരിപാടികള്‍ പാട്ടുകളും നൃത്തങ്ങളും സ്‌കിറ്റുകളുമായി പ്രേക്ഷകരുടെ മനം കവര്‍ന്നു. സെറയിലെ ഗായകര്‍ അവതരിപ്പിച്ച സംഘഗാനങ്ങളും സംഘനൃത്തങ്ങളും ഏറെ പ്രശംസ പിടിച്ചുപറ്റി.
ക്രിസ്മസ് പാപ്പാനിയായി ബെന്നി കൈതാരം, അദ്‌നാന്‍ സഹീര്‍ എന്നിവര്‍ കരോള്‍ ഗാനത്തോടൊപ്പം നൃത്തമാടി. കുടുംബങ്ങളുടെ കൂട്ടായ്മ എന്ന നിലയില്‍ ഒത്തൊരുമയോടെ മുന്നോട്ടു പോകാന്‍ സെറയുടെ അംഗങ്ങള്‍ നടത്തുന്ന പ്രവര്‍ത്തനങ്ങള്‍ മാതൃകാപരമാണെന്ന് പരിപാടിക്ക് നേതൃത്വം നല്‍കിയ പ്രസിഡന്റ് ബിജു ആന്റണി അധ്യക്ഷ പ്രസംഗത്തില്‍ പറഞ്ഞു. ചടങ്ങില്‍ സെക്രട്ടറി റജില സഹീര്‍ സ്വാഗതം പറഞ്ഞു. സെറ രക്ഷാധികാരിയും പ്രമുഖ സംഘാടകനുമായ മോഹന്‍ ബാലന്‍, സെറ മുന്‍ പ്രസിഡന്റ് ജോണ്‍സന്‍ കല്ലറക്കല്‍ എന്നിവര്‍ ആശംസകള്‍ നേര്‍ന്നു. ദീപ ജോണ്‍സന്‍ ക്രിസ്മസ് സന്ദേശം നല്‍കി. ഡേവിസ് ദേവസ്സി നന്ദി പറഞ്ഞു. കള്‍ച്ചറല്‍ കണ്‍വീനര്‍ മുഹമ്മദ് റാഫി പരിപാടി നിയന്ത്രിച്ചു. ലേഡീസ് കോഓര്‍ഡിനേറ്റര്‍ ജാന്‍സി മോഹന്‍, സിമി അബ്ദുല്‍ ഖാദര്‍, ഡേവിസ് ദേവസ്സി, അഫ്ര സബീന്‍ റാഫി എന്നിവര്‍ അവതാരകരായ പരിപാടിയില്‍ പ്രമുഖ ബ്രാന്‍ഡായ വിജയ് ഫുഡ് പ്രോഡക്ട് സാരഥി ജോയ് മൂലന്‍, ഗുഡ് ഹോപ്പ് ഇന്റര്‍നാഷണല്‍ ഗ്രൂപ്പ് ഉടമയായ ജുനൈസ് ബാബു എന്നിവര്‍ സന്നിഹിതരായിരുന്നു. സെറയില്‍ പുതിയതായി അംഗങ്ങളായവരെ പരിചയപ്പെടുത്തി.
പരിപാടിയില്‍ കുട്ടികളുടെ വിനോദമത്സരങ്ങള്‍ക്കും ദമ്പതിമാര്‍ക്ക് വേണ്ടിയുള്ള ക്വിസ് മത്സരത്തിനും സബീനാ റാഫി, റിട്ടി ബിജു എന്നിവര്‍ നേതൃത്വം നല്‍കി. ക്രിസ് ജെയിംസ്, പ്രതീഷ്, ദീപ്തി പ്രതീഷ്, ജീനാ ഡേവിസ്, അബ്ദുല്‍ ഖാദര്‍ ആലുവ, സഹീര്‍ മാഞ്ഞാലി, രാജേഷ് ഗോപിനാഥ്, മുഹമ്മദ് റാഫീക്ക്, സുഭാഷ് ആന്റണി എന്നിവര്‍ പരിപാടികള്‍ ഏകോപിപ്പിച്ചു.
.jpg)
