ജുബൈല്‍: സൗദി ഇസ്ലാമിക മന്ത്രായത്തിന്റെ മേല്‍നോട്ടത്തില്‍ പ്രവര്‍ത്തിക്കുന്ന ജുബൈല്‍ ദഅവാ സെന്ററിന്റെ കീഴില്‍ നടക്കുന്ന വാര്‍ഷിക സമ്മേളനമായ ജുബൈല്‍ ഫാമിലി കോണ്‍ഫറന്‍സിന്റെ നടത്തിപ്പിനായി ജുബൈല്‍ ദഅവാ സെന്റര്‍ പ്രബോധകന്‍ ഇബ്രാഹിം അല്‍ ഹികമി ചെയര്‍മാനും ജുബൈല്‍ ഇന്ത്യന്‍ ഇസ്ലാഹി സെന്റര്‍ ജനറല്‍ സിക്രട്ടറി അബ്ദുല്‍ മന്നാന്‍ ജനറല്‍ കണ്‍വീനറുമായി വിപുലമായ സ്വാഗത സംഘം രൂപീകരിച്ചു.
ജുബൈല്‍ ഇന്ത്യന്‍ ഇസ്ലാഹി സെന്റര്‍ പ്രസിഡന്റ് അര്‍ശദ് ബിന്‍ ഹംസ മുഖ്യ രക്ഷാധികാരിയും ദഅവാ സെന്റര്‍ മലയാള വിഭാഗം തലവന്‍ ഫാഹിം അല്‍ ഹികമി വൈസ് ചെയര്‍മാനും നൗഫല്‍ സുബൈര്‍ ജോയന്റ് കണ്‍വീനറുമാണ്. വിവിധ വകുപ്പുകള്‍ക്ക് ചെയര്മാന്മാരായി അമീന്‍, അലിയാര്‍, ഹിഷാം. ഹബീബ് റഹ്‌മാന്‍, ആസാദ്, സിയാദ്, നസീര്‍ ബംഗാര, റഷീദ്,സലിം, അബ്ദുള്ള ഇമ്പിച്ചി, നാസരുദീന്‍, അലി ഫര്‍ഹാന്‍, ശിഹാബുദ്ദിന്‍, ഷിയാസ്, നൗഫല്‍ റഹ്‌മാന്‍, മൊയ്ദീന്‍ കുട്ടി, അബ്ദുല്‍ ഖാദര്‍, ഷൈലാസ് കുഞ്ഞു, ഷൗക്കത്തലി എന്നിവരെ ചുമതലപ്പെടുത്തി. ജുബൈല്‍ ദഅവാ സെന്ററില്‍ നടന്ന സ്വാഗത സംഘ യോഗത്തില്‍ ഇബ്രാഹിം അല്‍ ഹികമി അധ്യക്ഷത വഹിച്ചു.
Related News
