മസ്‌കത്ത്: അവധിക്ക് നാട്ടിലേക്ക് മടങ്ങുന്നതിനിടെ തൃശൂര്‍ സ്വദേശിയായ പ്രവാസി മലയാളി ഒമാനില്‍ മരിച്ചു. കൊടുങ്ങല്ലൂര്‍ കാവില്‍ക്കടവ്, പാര്‍ക്ക് റോഡ് ചെറുവേലിക്കല്‍ മെജോ വര്‍ഗീസ് (50) ആണ് യാത്രാമധ്യേ മസ്‌കത്തില്‍ വെച്ച് മരണപ്പെട്ടത്. കുവൈത്തില്‍ ജോലി ചെയ്തിരുന്ന അദ്ദേഹം കൊച്ചിയിലേക്കുള്ള യാത്രയിലായിരുന്നു.
ഡിസംബര്‍ 25-ന് വൈകിട്ട് കുവൈത്തില്‍ നിന്നും ഒമാന്‍ എയര്‍ വിമാനത്തില്‍ മസ്‌കത്ത് വഴി കൊച്ചിയിലേക്ക് വരികയായിരുന്നു മെജോ. യാത്രാമധ്യേ ശാരീരിക അസ്വസ്ഥതകള്‍ അനുഭവപ്പെട്ടതിനെ തുടര്‍ന്ന് മസ്‌കത്ത് വിമാനത്താവളത്തിലെ കിംസ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
വര്‍ഗീസ്, റോസിലി ദമ്പതികളുടെ മകനാണ്. ഭാര്യ: മിഥുന. നടപടിക്രമങ്ങള്‍ക്കു ശേഷം മൃതദേഹം നാട്ടിലെത്തിച്ചു സംസ്‌കരിക്കും.
Related News
