ജിദ്ദ: ദല്‍ഹിയിലേക്ക് സ്ഥലം മാറിപ്പോകുന്ന ജിദ്ദ ഇന്ത്യന്‍ കോണ്‍സുലേറ്റിലെ കൊമേഴ്സ്, പ്രസ്, ഇന്‍ഫര്‍മേഷന്‍ ആന്‍ഡ് കള്‍ച്ചര്‍ കോണ്‍സല്‍ മുഹമ്മദ് ഹാഷിമിന് പത്തനംതിട്ട ജില്ലാ സംഗമം യാത്രയയപ്പ് നല്‍കി. കോണ്‍സുലേറ്റില്‍ കഴിഞ്ഞ മുന്ന് വര്‍ഷങ്ങളായി വിവിധ സമയങ്ങളില്‍ നടന്ന ആഘോഷങ്ങളില്‍ പങ്കെടുത്തു മാതൃകാപരമായ പ്രവര്‍ത്തനങ്ങള്‍ കാഴച്ചവെച്ച പത്തനംതിട്ട ജില്ലാ സംഗമത്തിനെ അദ്ദേഹം പ്രത്യേകം അനുസ്മരിക്കുകയുണ്ടായി. ഇത് പ്രവാസി സമൂഹത്തിന് അനുകരണീയമാണെന്നും മുഹമ്മദ് ഹാഷിം പറഞ്ഞു.
പത്തനംതിട്ട ജില്ലാ സംഗമം പ്രസിഡന്റ് അയൂബ് ഖാന്‍ പന്തളം ഉപഹാരം കൈമാറി. സന്തോഷ് നായര്‍, എന്‍ ഐ ജോസഫ്, ജയന്‍ നായര്‍, മാത്യു തോമസ്, അലി റാവുത്തര്‍, ദീപിക സന്തോഷ്, അലന്‍ മാത്യു തോമസ്, അല്‍ അമീന്‍ എന്നിവര്‍ പങ്കെടുത്തു.
Related News
